పరిశ్రమలో ఒక్క హిట్ కొడితే ఆ హిట్ మేనియాతో మరో రెండు మూడు సినిమా ఆఫర్ లను చేజిక్కించుకునే అవకాశం ఉంది. ఇక మొదటి సినిమానే హిట్ కొడితే ఇక ఆ హీరోయిన్ కు డిమాండ్ అంతా ఇంతా ఉండదు. ప్రస్తుతం నాని కృష్ణగాడి వీర ప్రేమగాథ హీరోయిన్ మెహెరిన్ కౌర్ కు అలానే ఉంది. కృష్ణగాడి హిట్ కు నాని తర్వాత చెప్పుకునే అంశాల్లో హీరోయిన్ కూడా ఒక్క భాగం అనేలా చేసుకున్న ఈ భామ ఇప్పుడు వరుస అవకాశాలతో సూపర్ జోష్ లో ఉంది.
ఇప్పటికే పూరి జగన్నాథ్, కళ్యాణ్ రాం కలిసి చేస్తున్న రీమిక్స్ సినిమాలో నటించేందుకు రెడీ అయిన మెహెరిన్.. తాజాగా బి.వి.ఎస్ రవి, సాయి ధరం తేజ్ సినిమాకు కూడా సెలెక్ట్ అయ్యింది. ఇక ఈ రెండిటిని మించి బాలీవుడ్ లో కూడా తన డెబ్యూ సినిమా ఓకే చేసుకుంది. బాలీవుడ్ క్రేజీ హీరోయిన్ అనుష్క శర్మ నిర్మిస్తున్న ఓ సినిమాకు ఆడిషన్ జరుపగా అందులో మెహెరిన్ ఫైనల్ గా సెలెక్ట్ అయ్యిందట. మోడల్ గా సూపర్ ఫాంలో ఉన్న మెహెరిన్ నార్త్ ప్రేక్షకులకు మంచి సుపరిచితురాలు ఇక సినిమాల్లో కూడా నటిస్తే భారీ క్రేజ్ సంపాధించే అవకాశం ఉంది.
ఏది ఏమైనా అమ్మడికి మొదటి సిల్వర్ స్క్రీన్ ఛాన్స్ ఇచ్చి తన మొదటి సినిమా తెలుగు హిట్ సినిమా అని చెప్పుకునేలా చేశారు మన దర్శక నిర్మాతలు. మెహెరిన్ చేస్తున్న ప్రయత్నాలన్ని సక్సెస్ అయ్యి హీరోయిన్ గా స్టార్ ఇమేజ్ సంపాధించాలని ఆశిద్దాం.
