నంద‌మూరి క‌ల్యాణ్ రామ్ క‌థానాయ‌కుడిగా స‌తీష్ వేగ్నేశ ద‌ర్శ‌కత్వంలో ఓ చిత్రం రాబోతోంద‌ని ఆమ‌ధ్య వార్త‌లొచ్చాయి. ఇప్పుడు ఈ కాంబో అఫీషియ‌ల్‌గా ఖ‌రారైంది. ఆదిత్య మ్యూజిక్స్ సంస్థ ఈ చిత్రంతో నిర్మాణ రంగంలోకి అడుగుపెట్ట‌బోతోంది. క‌థానాయిక‌గా మెహ‌రీన్‌ని ఎంచుకున్నారు. గోపీ సుందర్ సంగీతాన్ని అందిస్తున్నారు. త్వ‌ర‌లో ఈ చిత్రాన్ని లాంఛ‌నంగా ప్రారంభిస్తారు. `శ‌త‌మానం భ‌వ‌తి`లాంటి కుటుంబ క‌థా చిత్రంతో ఆక‌ట్టుకున్నారు స‌తీష్ వేగ్నేశ‌. ఇప్పుడు కూడా అలా కుటుంబ బంధాల‌తో సాగే క‌థ‌నే చెప్ప‌బోతున్నార్ట‌. ఈమ‌ధ్య మాస్‌, యాక్ష‌న్ ఎంట‌ర్‌టైన‌ర్ల‌పై దృష్టి సారించిన క‌ల్యాణ్ రామ్ – మ‌ళ్లీ ఫ్యామిలీ డ్రామాల‌వైపు మొగ్గు చూపాల‌నుకోవ‌డంతో ఈ కాంబో సెట్ట‌య్యింది. క‌ల్యాణ్ రామ్ చేతిలో మ‌రో రెండు క‌థ‌లు కూడా రెడీగా ఉన్నాయి. వాటికి సంబంధించిన ప్ర‌క‌ట‌నా అతి త్వ‌ర‌లో రావొచ్చు.