ఈ క్యూట్ గర్ల్ ను గుర్తు పట్టారా? నితిన్ ప్రియురాలు. అదే, చిన్నదాన నీకోసం సినిమాలో. బెంగాలీ తార మిష్తీ చక్రవర్తి ఇప్పుడు బాలీవుడ్ లో ఓ వెలుగు వెలగడానికి లేటెస్ట్ రిలీజ్ కోసం ఆత్రంగా ఎదురు చూస్తోంది. మస్తీ సిరీస్ లో మూడోదైన గ్రేట్ గ్రాండ్ మస్తీలో మిష్తీ నటిస్తోంది. నలుగురు నిర్మాతల్లో ఏక్తా కపూర్ ఒకరు కావడం ఈ సినిమా హైప్ పెంచుతోంది. నవంబర్ 6వ తేదీన ఈ సినిమా విడుదల కోసం సన్నాహాలు జరుగుతున్నాయి. మిష్తీ షూటింగ్ పార్ట్ పూర్తయినా సినిమా విశేషాలను తెలుసుకుంటూ ఉందట.

మిష్తీ బాలీవుడ్ ఎంట్రీ గ్రాండ్ గానే జరిగింది. సక్సెస్ ఫుల్ ఫిలిం మేకర్ సుభాష్ ఘాయ్ సినిమా కాంచీలో హీరోయిన్ గా తెరంగేట్రం చేసింది. కానీ ఆ సినిమా బాక్సాఫీసు దగ్గర బోల్తా పడటంతో అనుకున్నంత పేరు రాలేదు. తర్వాత చిన్నదాన నీకోసం సినిమాతో టాలీవుడ్ లోకి వచ్చింది. ఆ సినిమా సక్సెస్ కావడంతో మరికొన్ని ఆఫర్లు రావచ్చని టాక్. అయితే ఇంత వరకూ ఏదీ కన్ ఫర్మ్ కాలేదు.

ప్రస్తుతం ఈ తార ధ్యాసంతా గ్రేట్ గ్రాండ్ మస్తీ మీదే ఉంది. కోల్ కతా నుంచి ముంబై వెళ్లి, అక్కడి నుంచి హైదరాబాద్ కు వచ్చింది మిష్తీ. మళ్లీ ముంబై బాట పట్టింది. బాలీవుడ్ లో తారాపథంలోకి దూసుకుపోవాలని కలలు కంటోంది.