ఈ వారం తెలుగు బాక్సాఫీసు ముందుకు వస్తున్న ప్రామెసింగ్ సినిమా “ మిస్ శెట్టి మిస్టర్ పోలిశెట్టి. అనుష్క నవీన్ పోలిశెట్టి ప్రధాన పాత్రలు పోషించారు. అనుష్క ప్రమోషన్స్ కి రావడం లేదు కానీ నవీన్ మాత్రం కాళ్ళకి చక్రాలు కట్టుకున్నట్లుగా తిరుగుతున్నాడు. అయితే ఇప్పుడీ సినిమాకి షారుక్ ఖాన్ జవాన్ ఒక సవాల్ గా మారింది. తెలుగు రాష్ట్రాలలో మునుపెన్నడూ లేని ఆసక్తి జవాన్ సినిమాపై కనిపిస్తోంది. దీనికి కారణం షారుక్ గత సినిమా పఠాన్ విజయం. నిజానికి పఠాన్ చెప్పుకొదగ్గ కొత్త కంటెంట్ వున్న సినిమా కాదు. కానీ అలాంటి కంటెంట్ తోనే రికార్డులు బద్దలు కొట్టాడు షారుక్. దిని కంటెంట్ బెటర్ కంటెంట్ వున్న సినిమా పడితే రికార్డులు ఏ స్థాయిలో ఉంటాయో అన్నట్లుగా పఠాన్ బాక్సాఫీసు విజయం సాగింది.
సరిగ్గా అదే జరగబోతుందనే నమ్మకం కలిగిస్తున్నాయి జవాన్ ప్రచార చిత్రాలు. పాన్ ఇండియా స్టార్ కాస్ట్ వుంది. షారుక్ డిఫరెంట్ గెటప్స్ ఆసక్తిని పెంచుతున్నాయి. పైగా దర్శకుడు అట్లీకి ప్రేక్షకుల నాడీ బాగానే తెలుసు. ఇప్పటివరకూ ఒక్క పరాజయం లేదాయనకు. ఇవన్నీ జవాన్ కి ప్లస్సులే. మిస్ శెట్టి కంటెంట్ చూస్తుంటే మల్టీ ప్లెక్స్ ఆడియన్స్ ని ద్రుష్టిలో పెట్టుకొని తీర్చిదిద్దినట్లుగా కనిపిస్తోంది. ఐతే షారుఖ్ కి ఈ విషయంలో ఇబ్బంది లేదు. మల్టీ ప్లెక్స్ లో ఆయన హవా మామూలుగా వుండదు. పైగా జవాన్ ఎబిసిడి ఇలా అన్నీ వర్గాల ప్రేక్షకులని ద్రుష్టిలో పెట్టుకొని తీర్చిదిద్దినట్లుగా వుంది. మొత్తంమీద మిస్టర్ పోలిశెట్టి కి జవాన్ రూపంలో పెద్ద సవాలే వుంది.
