తెలుగు చిత్ర‌సీమ‌లో అద్భుత‌మైన డైలాగ్ డెలివ‌రీ సొంత‌మైన అతి కొద్ది మంది న‌టుల్లో మోహ‌న్ బాబు ఒక‌రు. అరిస్తే చ‌రుస్తా.. చ‌రిస్తే క‌రుస్తా.. అంటూ వెరైటీ డైలాగులు చెప్పి మాస్ తో ఈల‌లు వేయించ‌గ‌ల‌రు. ఇప్పుడు మోహ‌న్ బాబు ఓ పాట పాడి, అందులోనూ త‌న ప్రావీణ్యం ఏపాటితో చూపించ‌డానికి రెడీ అయ్యారు. మోహ‌న్ బాబు న‌టిస్తూ, నిర్మించిన చిత్రం.. ‘గాయ‌త్రి’. ఇందులో విష్ణు కూడా న‌టించాడు. శ్రియ ప్ర‌ధాన పాత్ర పోషించింది. ఈ చిత్రంపై హ‌నుమంతుడ్ని కీర్తిస్తూ ఓ పాట ఉంది. దాన్ని మోహ‌న్ బాబు పాడారు. శంక‌ర్ మ‌హ‌దేవ‌న్‌తో క‌ల‌సి మోహ‌న్ బాబు ఈ పాట‌ని ఆల‌పించిన‌ట్టు చిత్ర‌బృందం తెలిపింది. ఆదివారం హైద‌రాబాద్ లో ప్రీ రిలీజ్ ఫంక్ష‌న్ జ‌ర‌గ‌బోతోంది. బహుశా ఈ వేదిక‌పై మోహ‌న్ బాబు పాట పాడే అవ‌కాశం ఉంది. ఫిబ్ర‌వ‌రి 9న గాయ‌త్రి ప్రేక్ష‌కుల ముందుకు రాబోతోంది.