మలయాళ సూపర్ స్టార్ మోహన్ లాల్ నుండి టాలీవుడ్ యంగ్ టైగర్ ఎన్టీఆర్ గిఫ్ట్ అందుకున్నట్టు తెలుస్తుంది. ప్రస్తుతం వీరిద్దరు కలిసి కొరటాల శివ దర్శకత్వంలో ‘జనతా గ్యారేజ్’ సినిమాలో నటిస్తున్నారు. నాన్నకు ప్రేమతో తర్వాత నటిస్తున్న జూనియర్ సినిమాలో మోహన్ లాల్ ఓ ఇంపార్టెంట్ రోల్ చేస్తున్నారని తెలిసిందే. ఇప్పటికే వీరి మధ్య సన్నివేశాలు షూట్ చేయడం జరుగుతుంది. అయితే షూటింగ్ టైంలో మోహన్ లాల్ తో మంచి పరిచయం ఏర్పడ్డ ఎన్టీఆర్ కు ఓ సర్ ప్రైజ్ గిఫ్ట్ ఇచ్చాడట మోహన్ లాల్.
ఏప్రిల్ 14న మలయాళీ నూతన సంవత్సర సందర్భంగా తన హీరోకి అక్కడ మాత్రమే తయారు చేసే స్వీట్, వెండి కృష్ణుడి విగ్రహాన్ని తారక్ కు బహుమానంగా ఇచ్చాడట మోహన్ లాల్. ప్రస్తుతం శరవేగంగా షూటింగ్ జరుపుకుంటున్న జనతా గ్యారేజ్ ను అనుకున్న రిలీజ్ డేట్ ఆగష్టు 12 కల్లా ప్రేక్షకుల ముందుకు తెచ్చేలా ప్రయత్నాలు చేస్తున్నారు. సమంత, నిత్యా మీనన్ హీరోయిన్స్ గా నటిస్తున్న ఈ సినిమాకు రాక్ స్టార్ దేవి శ్రీ ప్రసాద్ మ్యూజిక్ అందిస్తున్నాడు. మైత్రి మూవీ మేకర్స్ నిర్మిస్తున్న ఈ సినిమాలో మరోసారి జూనియర్ విశ్వరూపాన్ని చూడొచ్చని చిత్రయూనిట్ చెబుతుంది.
