మోక్ష‌జ్ఞ ఎంట్రీ గురించి నంద‌మూరి అభిమానులకు ఆస‌క్తిగా ఎదురుచూస్తున్నారు. 2018లో మోక్ష‌జ్ఞ ఎంట్రీ ఉంటుంద‌ని బాల‌య్య ప్ర‌క‌టించ‌డంతో.. ఆ ఆత్రుత మ‌రింత ఎక్కువైంది. బాల‌య్య వార‌సుడు ఎలాంటి క‌థ‌తో వ‌స్తున్నాడు?? తెర‌పై ఎలా క‌నిపించ‌బోతున్నాడు?? త‌న ఎంట్రీ ఏ ద‌ర్శ‌కుడితో ఉండ‌బోతోంది?? ఇలా అన్నీ ప్ర‌శ్న‌లే. పూరి జ‌గ‌న్నాథ్‌, క్రిష్.. ఈ ఇద్ద‌రిలో ఒక‌రితో మోక్ష‌జ్ఞ ఎంట్రీ ఉండ‌బోతోంది. ఎవ‌ర‌న్న‌ది వాళ్ల క‌థ‌ని బ‌ట్టే ఉంటుంది. త‌న‌పై అభిమానులు పెట్టుకొన్న ఆశ‌లేంటో కూడా మోక్ష‌జ్ఞ‌కు తెలుసు. అందుకే తానికి త‌గ్గ‌ట్టుగా క‌స‌ర‌త్తులు చేస్తున్నాడు. మోక్ష‌జ్ఞ సంపూర్ణ‌మైన హీరో మెటీరియ‌ల్‌గా మార‌డానికి త‌న వంతు ప్ర‌య‌త్నాలు మొద‌లెట్టేశాడు. కొంత‌కాలంగా మోక్షూ ఎవ‌రికీ క‌నిపించ‌డం లేదు. త‌న ఫొటోలు కూడా బ‌య‌ట‌కు వ‌ద‌ల‌డం లేదు. సెల్ఫీల‌కూ దూరంగా ఉంటున్నాడ‌ట. దాంతో మోక్ష‌జ్ఞ ఇప్ప‌టి రూపం ఏమిట‌న్న‌ది అత్యంత స‌న్నిహితుల‌కు త‌ప్ప ఎవ్వ‌రికీ తెలీదు.
మోక్ష‌జ్ఞ బ‌రువు త‌గ్గి, బాడీ పెంచ‌డంతో పాటు, సినిమాకి సంబంధించిన అన్ని విభాగాల్లోనూ ప్ర‌త్యేక శిక్ష‌ణ తీసుకొంటున్నాడ‌ని తెలుస్తోంది. తెలుగు డిక్ష‌న్ నేర్పించ‌డానికి ఓ గురువుని నియ‌మించార్ట బాల‌య్య. డాన్సులు, ఫైటింగులు మామూలే. ఈ యేడాది చివ‌రి నాటికి మోక్ష‌జ్క్ష రెడీ అయిపోతాడ‌ని, సినిమా మొద‌లెట్టే ముందు… మోక్షుతో ఫొటో సెష‌న్ నిర్వ‌హించి, ఏ త‌ర‌హా పాత్ర‌కు సూట‌వుతారో చూస్తార‌ని తెలుస్తోంది. మొత్తానికి నంద‌మూరి అభిమానుల అంచ‌నాల‌కు త‌గ్గ‌ట్టుగా మోక్ష‌జ్ఞ రెడీ అవుతున్నాడు. అభిమానులకు ఇది పండ‌గ‌లాంటి విష‌య‌మే క‌దా??
