ఆదిత్య 369పై మ‌ళ్లీ బాల‌కృష్ణ దృష్టి పెడుతున్నారు. ఈ సినిమాని వీలైనంత త్వ‌ర‌గా ప‌ట్టాలెక్కించాల‌న్న‌ది బాల‌కృష్ణ ప్లాన్‌. సింగీతం ఎప్పుడో స్క్రిప్టు రెడీ చేశారు. దాన్ని ఈమ‌ధ్య బాల‌య్య ఓ యువ ద‌ర్శ‌కుడి చేతిలో పెట్టిన‌ట్టు స‌మాచారం. ఈ సినిమాతోనే మోక్ష‌జ్ఞ‌ని ప‌రిచ‌యం చేయాలని బాల‌కృష్ణ ఎప్ప‌టి నుంచో అనుకుంటున్నారు. బాల‌య్య‌నే హీరో. కానీ మోక్ష‌జ్ఞ ఓ పాత్ర‌లో త‌ళుక్కున మెరుస్తార‌న్న‌మాట‌. అలా.. మోక్ష‌జ్ఞ‌ని త‌న అభిమానుల‌కు ప‌రిచ‌యం చేయాల‌ని భావించారు.

అయితే… ఇప్పుడు బాల‌య్య ప్లాన్ మారింది. ఈ స్క్రిప్టుతోనే మోక్ష‌జ్ఞ‌ని సోలో హీరోగా అభిమానుల‌కు ప‌రిచ‌యం చేయాల‌ని భావిస్తున్నారు. అందుకే మోక్ష‌జ్ఞ‌ని దృష్టిలో ఉంచుకుని ఈ స్క్రిప్టుని మార్చ‌మ‌ని ద‌ర్శ‌కుడికి సూచించిన‌ట్టు తెలుస్తోంది. ఇది వ‌ర‌కైతే బాల‌య్య‌నే హీరో. మోక్ష‌జ్ఞ గెస్ట్‌లా క‌నిపిస్తాడు. ఇప్పుడు మాత్రం మోక్ష‌జ్ఞ హీరో. ఓ పాత్ర‌లో బాల‌కృష్ణ క‌నిపిస్తారని తెలుస్తోంది. అలా బాల‌కృష్ణ‌, మోక్ష‌జ్ఞ పాత్ర‌లు మార్చుకుంటున్నార‌న్న‌మాట‌. `మోక్ష‌జ్ఞ ఎంట్రీ భారీగా ఉండ‌బోతోంది. త‌న కోసం అద్భుతమైన క‌థ సిద్ధ‌మైంది` అని ఇటీవ‌లే బాల‌య్యే చెప్పేశారు. ఆ క‌థ `ఆదిత్య 999`నే కానుంద‌ని నంద‌మూరి కాంపౌండ్ వ‌ర్గాల స‌మాచారం. ఈ చిత్రాన్ని పాన్ ఇండియా స్థాయిలో తెర‌కెక్కించాల‌న్న ఆలోచ‌న కూడా ఉంద‌ని తెలుస్తోంది.