రవితేజ, హరీష్ శంకర్ ల ‘మిస్టర్ బచ్చన్’ పాటలకు మంచి రెస్పాన్స్ వచ్చింది. సినిమా మరో రెండు వారాల్లో రాబోతుంది. ఈ రోజు టీజర్ వదిలారు. 80, 90 దశకంలో వాడే TDK 120 నిమిషాల క్యాసెట్‌ల నాస్టాల్జిక్ మూమెంట్ ని గుర్తు చేస్తూ టీజర్ మొదలైయింది. టీజర్ ఫస్ట్ హాఫ్ లో రవితేజ, భాగ్యశ్రీ బోర్స్‌ల రొమాంటిక్ కెమిస్ట్రీ చుపించారు. తర్వాత అసలు కథలోకి వెళ్లారు. అనే సవాళ్లను ఎదుర్కొని సంఘంలో పలుకుబడి వున్న జగపతి బాబుపై ఇన్ కం ట్యాక్స్ రైడ్ చేసే ఆఫీసర్ గా రవితేజ కనిపించిన తీరు ఆకట్టుకుంది.
-ఈ దేశాన్ని పీడిస్తున్నది దరిద్రం కాదు సార్ నల్లధనం
-సక్సెస్, ఫెయిల్యూర్ ఇంటికి వచ్చే చుట్టాలాంటివి. వస్తుంటాయి, పొతుంటాయి. యాటిట్యూడ్ ఇంటిపేరు లాంటిది. అది పోయేదాక మనతోనే వుంటుంది.
Read Also : మిస్టర్ బచ్చన్ ఓవ‌ర్ బ‌డ్జెట్ అయ్యిందా?
టీజర్ లో వినిపించిన ఈ డైలాగులు హరీష్ మార్క్ లో సాగాయి. రోమాన్స్, ఫన్, యాక్షన్ సీక్వెన్స్ తో టీజర్ ఎంటర్ టైనింగ్ సాగింది. రవితేజ ఎనర్జిటిక్ గా కనిపించారు. భాగ్యశ్రీ అందంగా వుంది. సత్య చెప్పింది ఒక్క డైలాగే అయిన తన మార్క్ హ్యుమర్ కనిపించింది.
బాలీవుడ్ రైడ్ సినిమాకి రిమేక్ ఇది. అయితే హరీష్ మూలకథలో ఎసెన్స్ ని తీసుకొని మొత్తం మార్చినట్లుగా వుంది టీజర్ చూస్తుంటే. రవితేజ ఫ్యాన్స్ కి కావాల్సిన అన్ని ఎలిమెంట్స్ సినిమాలో ఉండేట్లు చూసుకున్నారని టీజర్ చూస్తేఅర్ధమౌతుంది. ఆగస్ట్ 15న సినిమా ప్రేక్షకుల ముందుకు వస్తుంది.
