మురుగ‌దాస్ ఓ క‌థ ప‌ట్టుకుని టాలీవుడ్ అంతా చ‌క్క‌ర్లు కొడుతున్నాడు. ఆమ‌ధ్య అల్లు అర్జున్ తో మురుగ‌దాస్ సినిమా దాదాపుగా ఖాయ‌మైపోయింద‌నే అన్నారు. కానీ అంత‌లోనే… `క‌థ న‌చ్చేలేద‌ట‌.. బ‌న్నీ మురుగ‌దాస్ ని ప‌క్క‌న పెట్టాడ‌ట‌` అనే వార్త‌లు కూడా వ‌చ్చాయి. అయితే ఇప్పుడు మ‌ళ్లీ బ‌న్నీకి టచ్ లోకి వెళ్లాడ‌ట మురుగ‌దాస్‌. ఇటీవ‌లే… బ‌న్నీకి జూమ్ మీటింగ్ లో ఓ క‌థ కూడా చెప్పేశాడ‌ట‌. ఆ క‌థ‌పై బ‌న్నీ ఇంకా నిర్ణ‌యానికి రావాల్సివుంది. థాను నిర్మాత‌గా అల్లు అర్జున్ ఓ సినిమా చేస్తాడ‌ని ప్ర‌చారం మొద‌లైంది. థాను.. అంటే… త‌మిళంలో పెద్ద ప్రొడ్యూస‌ర్‌. ఆ ప్రాజెక్టులో భాగంగానే, మురుగ‌దాస్ బ‌న్నీకి ఈ క‌థ వినిపించాడ‌ని, ఇదో పాన్ ఇండియా ప్రాజెక్ట్ అని స‌మాచారం అందుతోంది. అయితే… బ‌న్నీ ఈ క‌థ‌కు సంబంధించి ఎలాంటి నిర్ణ‌య‌మూ తీసుకోలేదు. `పుష్ష‌` అవ్వ‌గానే.. `ఐకాన్‌`ని ప‌ట్టాలెక్కిస్తాడు బ‌న్నీ. ఆ త‌ర‌వాత‌.. పుష్ష 2 పూర్తి చేస్తాడు. ఆ త‌ర‌వాతే… మురుగ‌దాస్ ప్రాజెక్టు ఉండొచ్చు. ఈలోగా ఏమైనా జ‌ర‌గొచ్చు.