2021లోని సూప‌ర్ హిట్స్ లో.. ఉప్పెన ఒక‌టి. కొత్త ద‌ర్శ‌కుడు. కొత్త హీరో, కొత్త హీరోయిన్ ల‌తో ఈ సినిమా రూ.50 కోట్ల వ‌సూళ్లు అందుకోగ‌లిగింది. ఈ సినిమా విడుద‌ల అవ్వ‌క‌ముందే ద‌ర్శ‌కుడు బుచ్చిబాబు, హీరోయిన్ కృతి శెట్టిల‌తో మ‌రో సినిమాకి అగ్రిమెంట్లు చేయించుకుంది మైత్రీ మూవీస్‌. బుచ్చిబాబురెండో సినిమా కూడా మైత్రీలోనే. ఓ స్టార్ హీరోతో ఈ సినిమా సెట్స్‌పైకి తీసుకెళ్దామ‌నుకున్నారు. కానీ బుచ్చికి ప‌రిస్థితులు అనుకూలించ‌డం లేదు. ఎన్టీఆర్, బ‌న్నీల‌తో బుచ్చి ట‌చ్‌లో ఉన్నా, వాళ్లు బుచ్చితో సినిమాలు చేయ‌డానికి రెడీగా ఉన్నా – డేట్లు స‌ర్దుబాటు కావ‌డం లేదు.

అందుకే మ‌ధ్యేమార్గంగా `ఉప్పెన‌` లాంటి మ‌రో చిన్న సినిమా చేయ‌డానికి బుచ్చి రెడీ అవుతున్న‌ట్టు టాక్‌. ఈ సినిమా మైత్రీలోనే ఉండ‌బోతోంది. ఇందులోనూ వైష్ణ‌వ్ తేజ్ న‌టించే అవ‌కాశాలు ఉన్నాయి. అంటే దాదాపుగా ఉప్పెన టీమ్ రిపీట్ అవ్వబోతోంద‌న్న‌మాట‌. ప్ర‌స్తుతం క‌థా చ‌ర్చ‌లు న‌డుస్తున్నాయి. వైష్ణ‌వ్ తేజ్ డేట్లు ఓకే అయిన వెంట‌నే ఈసినిమా సెట్స్‌పైకి వెళ్లే అవ‌కాశాలున్నాయి.