నారప్ప సినిమా ఓటీటీకి వెళ్లిపోయింద‌న్న సంగ‌తి తెలిసిందే. ఈ నెల‌లోనే ఈ సినిమాని ఓటీటీలో రిలీజ్ చేస్తార‌న్నారు. అయితే.. ఈ సినిమాని థియేట‌ర్ల‌లోనే విడుద‌ల చేస్తార‌ని, ఓటీటీ బేరం వెన‌క్కి తీసుకున్నార‌ని వార్త‌లొచ్చాయి. అయితే.. అవ‌న్నీ పుకార్ల‌ని తేలిపోయింది. నార‌ప్ప ఓటీటీకే ఫిక్స‌య్యింది. ఈనెల 20న అమేజాన్ లో ఈ సినిమా ప్ర‌ద‌ర్శితం కానుంది.

త‌మిళ సూప‌ర్ హిట్ `అసుర‌న్‌`కి ఇది రీమేక్‌. శ్రీ‌కాంత్ అడ్డాల ద‌ర్శ‌క‌త్వం వ‌హించారు. సెకండ్ వేవ్ ఉధృతంగా ఉన్న‌ప్పుడే.. ఈ సినిమా ఓటీటీకి అని ఫిక్స‌యిపోయింది. వెంకీ న‌టించిన మ‌రో చిత్రం దృశ్య‌మ్ 2 కూడా ఓటీటీకే వెళ్ల‌బోతోంది. ఆ సినిమా కూడా తొలి కాపీ సిద్ధ‌మైపోయింది. త్వ‌ర‌లోనే… దృశ్య‌మ్ 2 ఓటీటీ ప్ర‌క‌ట‌న రాబోతోంది. ఓ అగ్ర క‌థానాయ‌కుడు న‌టించిన రెండు సినిమాలు వ‌రుస‌గా ఓటీటీకి వెళ్లిపోవ‌డం… ఇప్ప‌టి ట్రెండ్ కీ, నిర్మాత‌ల ఆలోచ‌న విధానానికీ అద్దం ప‌డుతోంది. అక్టోబ‌రు వ‌ర‌కూ.. నిర్మాత‌లు ఓపిక ప‌ట్టాల‌ని, ఓటీటీల‌కు సినిమాని అమ్మొద్ద‌ని థియేట‌ర్ య‌జ‌మానులు విజ్ఞ‌ప్తి చేసిన సంగ‌తి తెలిసిందే. అయితే అంత‌కంటే ముందే.. `నార‌ప్ప‌`, `దృశ్య‌మ్ 2` ఓటీటీ బేరాలు ఫిక్స‌వ్వ‌డంతో త‌ప్ప‌డం లేదు.