2022 సంక్రాంతి బెర్తులు అప్పుడే ఖాయం అయిపోతున్నాయి. ఇప్ప‌టికే మ‌హేష్ `స‌ర్కారు వారి పాట‌` ని సంక్రాంతికి విడుద‌ల చేస్తామ‌ని చిత్ర‌బృందం ప్ర‌క‌టించింది. మ‌రోవైపు.. ప‌వ‌న్ క‌ల్యాణ్ – క్రిష్ సినిమా కూడా పండక్కే వ‌స్తోంది. ఇప్పుడు నాగార్జున కూడా `నేను సైతం` అని ప్ర‌క‌టించేశారు. 2022 సంక్రాంతి పండ‌క్కి తాను కూడా వ‌స్తున్నాన‌ని జెండా ఎగ‌రేశారు.

నాగార్జున కెరీర్‌లో సూప‌ర్ హిట్ చిత్రం `సోగ్గాడే చిన్ని నాయిన‌`. 50 కోట్ల‌కు పైగానే వ‌సూలు చేసిన ఈ సినిమా సంక్రాంతికే వ‌చ్చింది. ఇప్పుడు ఈ సినిమాకి ప్రీక్వెల్ ప్లాన్ చేశారు. అదే.. `బంగార్రాజు`. క‌ల్యాణ్ కృష్ణ ద‌ర్శ‌కుడు. జూన్‌, జులైల‌లో ఈ సినిమా సెట్స్‌పైకి వెళ్తుంది. ఈ చిత్రాన్ని 2022 సంక్రాంతికి విడుద‌ల చేస్తామ‌న్నారు నాగ్. ఈ రోజు హైద‌రాబాద్ లో `వైల్డ్ డాగ్` ప్ర‌మోష‌న్ ఈవెంట్ జ‌రిగింది. ఈ సంద‌ర్భంగా `బంగార్రాజు` ప్ర‌స్తావ‌న వ‌చ్చింది. ఈ సంద‌ర్భంగా బంగార్రాజు సంక్రాంతికి వ‌స్తాడ‌ని క్లారిటీ ఇచ్చేశారు నాగ్. అంటే… 2022 సంక్రాంతి సీజన్ కోసం ఇప్ప‌టికే మూడు సినిమాలు లైన్‌లో ఉన్నాయ‌న్న‌మాట‌. ఇంకెన్ని చేర‌తాయో మ‌రి.