నాగ‌చైత‌న్య – ప‌ర‌శురామ్ కాంబినేష‌న్‌లో ఓ సినిమా తెర‌కెక్కుతోంది. 14 రీల్స్ సంస్థ తెర‌కెక్కిస్తోంది. త్వ‌ర‌లోనే షూటింగ్ మొద‌లెట్టేస్తారు. ఈచిత్రానికి ‘నాగేశ్వ‌ర‌రావు’ అనే పేరు పెట్టిన‌ట్టు ప్ర‌చారం జ‌రుగుతోంది. ఈ సినిమాలో క‌థానాయిక‌గా ఎవ‌రిని ఎంచుకుంటారన్న ఆస‌క్తి నెల‌కొంది. `గీత గోవిందం` సెంటిమెంట్‌తో ఈ సినిమాలోనూ ర‌ష్మిక‌నే తీసుకునే అవ‌కాశాలు క‌నిపిస్తున్నాయి. మ‌రోవైపు కీర్తి సురేష్ పేరు కూడా బ‌లంగా వినిపిస్తోంది. ఇందులో క‌థానాయిక పాత్ర‌కు చాలా ప్రాధాన్యం ఉంది. అందుకే ఓ స్టార్ హీరోయిన్‌, అందునా అభిన‌యాన్ని ప్ర‌ద‌ర్శించే నాయిక కావాలి. అందుకే ఈ రెండు పేర్ల‌నీ ప‌రిశీలిస్తున్నారు. ఇందులో ఏ పేరు ఖ‌రారు చేస్తారో చూడాలి. చైతూ ప్ర‌స్తుతం ‘ల‌వ్ స్టోరీ’ సినిమాతో బిజీగా ఉన్నాడు. ఇది పూర్త‌యిన వెంట‌నే `నాగేశ్వ‌ర‌రావు` ప‌ట్టాలెక్కుతుంది.