ఈమ‌ధ్య కొత్త త‌ర‌హా టైటిళ్ల‌ని వినే, చూసే అవ‌కాశం ద‌క్కుతోంది. పాత ప‌దాలు, మ‌న‌కు తెలిసిన పేర్ల‌ని టైటిళ్లుగా పెట్టి, కాస్తో కూస్తో తెలుగు భాష మ‌నుగ‌డ‌కు తోడ్ప‌డుతున్నారు. అలాంటి టైటిల్ మ‌రోటి వ‌చ్చింది. అదే… స‌వ్య‌సాచి. నాగ‌చైత‌న్య క‌థానాయ‌కుడిగా మైత్రీ మూవీస్ సంస్థ ఓ చిత్రాన్ని నిర్మిస్తోంది. చందూ మొండేటి ద‌ర్శ‌కుడు. ఈ చిత్రానికి స‌వ్య‌సాచి అనే టైటిల్ ఖ‌రారు చేశారు. అంటే… రెండు చేతుల‌తోనూ బాణాల్ని సంధించేవాడు అని అర్థం. టైటిల్‌కి త‌గిన‌ట్టే లోగో డిజైన్ చేశారు. ఫ‌స్ట్ లుక్ కూడా విడుద‌ల చేశారు. రెండు చేతుల్లోనూ ఆయుధాలున్న చైతూ ఫొటోని లోగోలో చూడొచ్చు. చైతూ న‌టించిన యుద్దం శ‌ర‌ణం గ‌చ్చామి త్వ‌ర‌లోనే ప్రేక్ష‌కుల ముందుకు వ‌స్తోంది. ఈలోగా ఈ సినిమా షూటింగ్ మొద‌లుకానుంది. కార్తికేయ‌, ప్రేమ‌మ్ సినిమాల‌తో హిట్టు కొట్టిన చందూ.. ఈ సినిమాతో హ్యాట్రిక్ కొట్ట‌డం ఖాయంలా అనిపిస్తోంది. టైటిల్ అంత బాగుంది మ‌రి.