అక్కినేని హీరోల‌కూ, విక్ర‌మ్ కె.కుమార్‌కీ మంచి అనుబంధం ఉంది. విక్ర‌మ్ అంటే ఈ కాంపౌండ్ లోని హీరోల‌కు ఎప్పుడూ న‌మ్మ‌క‌మే. `మ‌నం`లాంటి మ‌ర్చిపోలేని సినిమా ఇచ్చాడు క‌దా. అందుకు. మ‌ధ్య‌లో తీసిన `హ‌లో` నిరాశ ప‌రిచినా – ఇప్పుడు అక్కినేని హీరోల‌తో మ‌రో సినిమా చేసే ఛాన్స్ కొట్టేశాడు. నాగ‌చైత‌న్య‌, విక్ర‌మ్ కె.కుమార్ క‌లిసి ఓ సినిమా చేస్తార‌ని ముందు నుంచీ ప్ర‌చారం జ‌రుగుతోంది. ఇప్పుడు అందుకు సంబంధించిన అధికారిక ప్ర‌క‌ట‌న వ‌చ్చేసింది. ఈ రోజు నాగార్జున పుట్టిన రోజు. ఈ సంద‌ర్భంగా ఈ చిత్రానికి సంబంధించిన ప్ర‌క‌ట‌న విడుద‌ల వ‌చ్చేసింది. నాగ‌చైత‌న్య ఈ సినిమా చేస్తున్న‌ట్టు ట్విట్ట‌ర్ లో ప్ర‌క‌టించారు. దిల్ రాజు ఈ చిత్రానికి నిర్మాత‌. 2021 లో సెట్స్‌పైకి వెళ్ల‌నుంది. ర‌కుల్ ప్రిత్ క‌థానాయిక‌గా న‌టించే అవ‌కాశాలున్నాయి. నాగ‌చైత‌న్య న‌టిస్తున్న 20వ సినిమా ఇది. ప్ర‌స్తుతం శేఖ‌ర్ క‌మ్ముల‌తో ఓ సినిమా చేస్తున్నాడు చైతూ. అది విడుద‌ల‌కు రెడీ అవుతోంది.