గీత గోవిందం తర్వాత అక్కినేని నాగ చైతన్యతో పరశురామ్ సినిమా ఓకే అయ్యింది. 14రీల్స్ ఈ చిత్రానికి నిర్మాతలు. ఐతే పరశురామ్ మహేష్ బాబుకి సర్కారు వారి పాట లైన్ చెప్పారు. అది మహేష్ కి నచ్చడం, మైత్రీ మూవీ మేకర్స్ రావడం సెట్స్ పైకి వెళ్ళడం జరిగిపోయింది. ఇప్పుడు నాగచైతన్య సినిమా పనిలో పడ్డారు పరశురాం. ఈ చిత్రాని నాగేశ్వరరావు అనే టైటిల్ ని ఖరారు చేశారు. ఇది వరకు అనుకున్న టైటిల్ ఇదే. ఇదే టైటిల్ ని ఫైనల్ చేశారు. ఇందులో నాగచైతన్య మిడిల్ క్లాస్ ఎంప్లొయ్ గా కనిపించబోతున్నారు. మిడిల్ క్లాస్ నేపధ్యంలో ఈ స్క్రిప్ట్ ని చేశారు పరశురాం. అవుట్ అండ్ అవుట్ ఎంటర్ టైనర్ గా స్క్రిప్ట్ రెడీ చేసినట్లు తెలిసింది. పరశురాం సినిమాల్లో హీరోయిన్ పాత్ర కీలకం. ఇందులో కూడా హీరోయిన్ కి ప్రాధాన్యం వుంది. ప్రస్తుతం హీరోయిన్ ని ఫైనల్ చేసే పనిలో వున్నారు పరశురామ్.