మలయాళంలో బ్లాక్ బస్టర్ సినిమాగా రికార్డులు సృష్టించిన ప్రేమమ్ సినిమా తెలుగులో రీమేక్ అవుతున్న సంగతి తెలిసిందే. అక్కినేని నాగచైతన్య హీరోగా నటిస్తున్న ఈ సినిమా కార్తికేయ సినిమా దర్శకుడు చందు మొండేటి దర్శకత్వం వహిస్తున్నాడు. ప్రస్తుతం వైజాగ్ ప్రాంతంలో షూటింగ్ జరుపుకుంటున్న ఈ సినిమా ఫస్ట్ లుక్ పోస్టర్ కొద్ది గంటల క్రితం రిలీజ్ చేశారు.
ప్రేమమ్ అనే టైటిల్ నే ఫైనల్ చేస్తూ వదిలిన ఫస్ట్ లుక్ నిజంగానే ప్రేమగా ఉంది. సినిమా ఫీల్ ను ఫస్ట్ లుక్ లో కనిపించేలా స్కెచ్ తో వేసినట్టుగా ప్రేమమ్ ఫస్ట్ లుక్ అదుర్స్ అనేలా ఉంది. తెర మీద ప్రేమకథలను ఆస్వాధించే ప్రతి ఒక్క ప్రేక్షకుడికి ఈ ప్రేమం సినిమా ఓ గొప్ప అనుభూతిని ఇస్తుంది అనడంలో సందేహం లేదు.
శృతి హాసన్ తో పాటుగా ప్రేమమ్ మాత్రుకలో నటించిన అనుపమా పరమేశ్వరన్, మడోన్నా సెబాస్టియన్ లు కూడా ఈ సినిమాలో నటిస్తున్నారు. ప్రేమకథలు ఎండ్ అవుతాయేమో కాని ఫీలింగ్ మాత్రం అలానే ఉంటుంది అని చెప్పే కథగా.. అదే ట్యాగ్ లైన్ తో వస్తుంది ప్రేమమ్ సినిమా. ప్రేమమ్ సినిమాను సితార ఎంటర్టైన్మెంట్స్ బ్యానర్ లో, పిడివి ప్రసాద్ సమర్పిస్తుండగా సూర్యదేవర నాగ వంశీ నిర్మిస్తున్నారు.
