ఏ సినిమా ముందు ప్రేక్షకుల ముందుకొస్తుంది… సవ్యసాచినా? శైలజారెడ్డి అల్లుడా? ఇటు ఇండస్ట్రీలో, అటు ట్రేడ్ వార్తల్లో ఒక్కటే ఉత్కంఠ. మా సినిమా ముందంటే… మా సినిమా ముందంటూ… రెండు సినిమా వర్గాలు పోటాపోటీగా విడుదల తేదీల గురించి ఫీలర్లు వదులుతున్నాయి. రెండూ అక్కినేని నాగచైతన్య సినిమాలే. మరి, రెండిటి విడుదల గురించి చైతూ రియాక్షన్ ఏంటి? ఏ సినిమా ముందు వస్తుంది? అని అడిగితే ఏం చెప్పాడు? తెలుసుకోండి.
“రెండు సినిమాలు చివరికి వచ్చేశాయి. ‘సవ్యసాచి’ ముందు మొదలైంది. కాబట్టి ఆ సినిమాయే ముందు విడుదల కావాలి. అయితే… ఫస్ట్ కాపీ చూశాక కానీ ఓ నిర్ణయం తీసుకోను. ఇటీవల నాకు నేనుగా ఓ రూల్ పెట్టుకున్నా. ఏ సినిమా అయినా సరే ఫైనల్ ఎడిట్ వెర్షన్ చూసి సంతృప్తి చెందితేనే రిలీజ్ డేట్ అనౌన్స్ చేయాలని డిసైడ్ అయ్యాను. ఈ వారంలో నాకు ‘సవ్యసాచి’ చూపిస్తారు. చూశాక ఓ డెసిషన్ తీసుకుంటా” – ఇదీ ‘సవ్యసాచి’, ‘శైలజారెడ్డి అల్లుడు’ సినిమాల విడుదల మధ్య పోటీ గురించి చైతూని ప్రశ్నించగా చెప్పిన ఆన్సర్. ‘సవ్యసాచి’ సీజీ వర్క్స్ ఎక్కువ అవసరం పడిన సినిమాగా చెప్పిన అతను… ‘శైలజారెడ్డి అల్లుడు’ సినిమా మీద సంతోషంగా వున్నాడు. చక్కటి వినోదాత్మక కుటుంబ కథాచిత్రమని పేర్కొన్నాడు.
