నాగ చైతన్య, సాయి పల్లవి జంటగా నటిస్తున్న చిత్రం తండేల్. చందూ మొండేటి దర్శకుడు. గీతా ఆర్ట్స్ బ్యానర్‌పై బన్నీ వాస్ నిర్మిస్తున్నారు. శ్రీకాకుళం జిల్లా డి.మత్స్య లేశం గ్రామంలో జరిగిన నిజ జీవిత సంఘటనల ఆధారంగా ఈ సినిమాని రూపొందిస్తున్నారు.
శ్రీకాకుళం అంటే గుర్తుకు వచ్చేది శ్రీ ముఖలింగ ఆలయం. దక్షిణ కాశీగా పేరుగాంచిన ఈ అలయలంలో మహాశివరాత్రి ఉత్సవాలు వైభవంగా జరుగుతాయి. తండేల్ సినిమాలో మహాశివరాత్రి సీక్వెన్స్ వుంది. భారీ సెట్టింగ్స్ తో శివరాత్రి సాంగ్ ని షూట్ చేశారు.
శివనామ స్మరణ మారుమ్రోగేలా దేవి శ్రీ ప్రసాద్ ఓ ట్యూన్ ఇచ్చారు. శేఖర్ మాస్టర్ కొరియోగ్రఫీ చేసిన ఈ పాట లో నాగ చైతన్య, సాయి పల్లవి, దాదాపు వెయ్యి మంది డ్యాన్సర్‌లతో కలిసి ఆడి పాడారు. నెవ‌ర్ బిఫోర్ రేంజ్‌లో ఈ పాట‌ని తెర‌కెక్కించామ‌ని చిత్ర‌బృందం చెబుతోంది. టీమ్‌ రిలీజ్ చేసిన స్టిల్ లో నాగచైతన్య, సాయి పల్లవి శివ పార్వతులగా నృత్యం చేస్తూ కనిపించడం అభిమానులని అలరించింది. పాన్ ఇండియా స్థాయిలో ఈ సినిమాని విడుదల చేయబోతున్నారు. త్వరలో రిలీజ్ డేట్ అనౌన్స్ చేస్తారు.
