ఐరా క్రియేష‌న్స్‌పై ఇప్ప‌టి వ‌ర‌కూ మూడు సినిమాలు తీశాడు నాగ‌శౌర్య‌. అందులో ఛ‌లో మంచి విజ‌యాన్ని అందుకుంది. మిగిలిన రెండు సినిమాలూ నిరాశ ప‌రిచాయి. ఇప్పుడు ఐరా క్రియేష‌న్స్‌పై నాలుగో సినిమాని ప్లాన్ చేస్తున్నాడు నాగ‌శౌర్య‌.. సాగ‌ర్ చంద్ర ఈ చిత్రానికి ద‌ర్శ‌క‌త్వం వ‌హిస్తున్నాడు. అయ్యారే సినిమాతో మెగాఫోన్ ప‌ట్టాడు సాగ‌ర్ చంద్ర‌. ఆ సినిమా ఫ్లాప్ అయ్యింది. ఆ త‌ర‌వాత అప్ప‌ట్లో ఒక‌డుండేవాడు తీశాడు. విమ‌ర్శ‌కుల ప్ర‌శంస‌లు వ‌చ్చిన‌ప్ప‌టికీ ఆర్థిక విజ‌యాన్ని అందుకోలేక‌పోయింది ఈ చిత్రం. చాలా రోజుల నుంచి ఓ క‌థ ప‌ట్టుకుని యువ హీరోల చుట్టూ తిరుగుతున్నాడు. ఎట్ట‌కేల‌కు నాగ‌శౌర్య ఓకే చెప్పాడు. అతి త్వ‌ర‌లోనే ఈ సినిమాని ప‌ట్టాలెక్కించ‌బోతున్నారు. ఐరా క్రియేష‌న్స్‌పై మ‌రో సినిమా కూడా మొద‌ల‌వ్వ‌బోతోంది. దీనికి నాగ‌శౌర్య క‌థ అందిస్తాడు. మ‌రో యువ హీరో క‌థానాయ‌కుడిగా న‌టిస్తాడు. ఆ వివ‌రాలూ త్వ‌ర‌లోనే తెలుస్తాయి.