యువ క‌థానాయ‌కుడు నాగ‌శౌర్య ఫుల్ స్వింగ్ లో ఉన్నాడు. త‌న చేతిలో నాలుగైదు సినిమాలున్నాయి. ప్ర‌స్తుతానికి రెండు సినిమాలైతే సెట్స్‌పై ఉన్నాయి. వాటిలో.. సంతోష్ జాగ‌ర్ల‌మూడి ద‌ర్శ‌క‌త్వం వ‌హిస్తున్న సినిమా ఇది. నాగ‌శౌర్య 20వ చిత్ర‌మిది. ఇందులో శౌర్య ఓ విలుకారుడిగా క‌నిపించ‌నున్నాడు. స్పోర్ట్స్ బ్యాక్ డ్రాప్‌లో న‌డిచే క‌థ ఇది. ఇందుకోసం నాగ‌శౌర్య‌… త‌న శ‌రీరాకృతి కూడా మార్చుకున్నాడు. ఈసినిమా టైటిల్ ఏమిట‌న్న‌ది ఈరోజు సాయింత్రం 5 గంట‌ల‌కు అధికారికంగా ప్ర‌క‌టించ‌బోతోంది చిత్ర‌బృందం.

అయితే ఈసినిమాకి `ల‌క్ష్య‌` అనే పేరు పెట్టిన‌ట్టు తెలుస్తోంది. `అర్జున‌` అనే మ‌రో పేరు ప‌రిశీలించినా… అదే పేరుతో తెలుగులో ఓ సినిమా రూపుదిద్దుకుంది. రాజ‌శేఖ‌ర్ హీరో. అది ఇప్ప‌టి వ‌ర‌కూ రిలీజ్ కాలేదు కూడా. ఆ సెంటిమెంట్ తో.. ఆ టైటిల్ ప‌క్క‌న పెట్టి, `ల‌క్ష్య‌`ని ఓకే చేశారు. కీర‌వాణి త‌న‌యుడు కాల‌భైర‌వ సంగీతం అందిస్తున్నాడు. కృతికా శ‌ర్మ కథానాయిక‌.