‘ఛ‌లో’ త‌ర‌వాత మ‌ళ్లీ అంత‌టి హిట్టు కోసం ఎదురు చూస్తున్నాడు నాగ‌శౌర్య‌. ఎక్కువ‌గా యువ ద‌ర్శ‌కుల‌తోనే ప‌ని చేస్తున్నాడు. తాజాగా మ‌రో యంగ్ డైరెక్ట‌ర్ క‌థ‌కి ఓకే చెప్పేశాడు. త‌నే అనీష్ కృష్ణ‌. ‘అలా ఎలా’లాంటి రొమాంటిక్ కామెడీతో ఆక‌ట్టుకున్నాడు అనీష్‌. ఇప్పుడు నాగ‌శౌర్య‌కి ఓ క‌థ వినిపించాడు. అది శౌర్య‌కి బాగా న‌చ్చి గ్రీన్ సిగ్న‌ల్ ఇచ్చేశాడు. ఈ సినిమాని శౌర్య త‌న సొంత సంస్థ‌లోనే చేసే అవ‌కాశాలు క‌నిపిస్తున్నాయి. ఇదో రొమాంటిక్ ఫ్యామిలీ ఎంట‌ర్‌టైన్‌మెంట్ అని, కుటుంబ విలువ‌ల‌కు, వినోదానికి పెద్ద పీట వేశార‌ని తెలుస్తోంది. శౌర్య నిర్మాత‌గా ఐరాలో మ‌రో సినిమా కూడా ప్రారంభం కానుంది. అయితే ఈ సినిమాలో శౌర్య హీరో కాదు. మ‌రో యువ క‌థానాయ‌కుడు న‌టిస్తాడు. క‌థ మాత్రం శౌర్య‌నే అందిస్తాడు. ఓ యువ క‌థానాయ‌కుడు త‌న బ్యాన‌ర్ లో మ‌రో యంగ్ హీరోతో సినిమా చేయ‌డం, అందులోనూ తాను స్వ‌యంగా క‌థ అందించ‌డం నిజంగా ఓ ఆరోగ్య‌క‌ర‌మైన కొత్త సంప్ర‌దాయం. త్వ‌ర‌లోనే ఈ రెండు సినిమాల‌కు సంబంధించిన అధికారిక ప్ర‌క‌ట‌న‌లు రానున్నాయి.