యంగ్ హీరోల్లో తనకంటూ ఓ స్టైల్ ను ఏర్పరచుకుంటూ వరుసెంట క్రేజీ సినిమాలు చేస్తున్నాడు నాగశౌర్య. ఊహలు గుసగుసలాడే సినిమాతో ఎంట్రీ ఇచ్చిన ఈ కుర్రాడు ఆడియెన్స్ కు త్వరగానే రీచ్ అయ్యాడు. ఇక రీసెంట్ గా వచ్చిన ‘కళ్యాణ వైభోగమే’తో సూపర్ హిట్ అందుకున్న శౌర్య, త్వరలో మెగా డాటర్ తో కలిసి నటించిన ‘ఒక మనసు’ సినిమాతో రాబోతున్నాడు. ఇక ఈ సినిమా తర్వాత హుస్సెన్ షా కిరణ్ దర్శకత్వంలో ఓ సినిమా కమిట్ అయ్యాడు శౌర్య.
సుకుమార్ దగ్గర అసిస్టెంట్ గా పనిచేసిన హుస్సెన్ షా కిరణ్ ఈ మధ్యనే ‘మీకు మీరే.. మాకు మేమే’ సినిమాను డైరెక్ట్ చేశాడు. అయితే ఆ సినిమా రిలీజ్ అవడానికి ముందే మరో సినిమా చేస్తున్నాడు. ఈ సినిమాకు ‘వేదాంతం’ అనే టైటిల్ పెట్టే ఆలోచనలో ఉన్నారట దర్శక నిర్మాతలు. నాన్నకు ప్రేమతో సినిమాకు కథ అందించిన హుస్సెన్ షా కిరణ్ నాగశౌర్యతో థ్రిల్లర్ కథాంశంతో ఈ చిత్రాన్ని తెరకెక్కిస్తున్నారట. మరి హుస్సెన్ షా కిరణ్, శౌర్య చెప్పే ‘వేదాంతం’ ఏ రేంజ్ లో ఉంటుందో చూడాలి.
