జ‌బ‌ర్ ద‌స్త్‌లో కామెడీ ఎంత పాపుల‌రో, ఆ కామెడీ చూస్తూ నాగ‌బాబు,రోజాలు ప‌డీ ప‌డీ న‌వ్వ‌డం కూడా అంతే పాపుల‌ర్‌. నాగ‌బాబు ఇచ్చే జ‌డ్జ్‌మెంట్ ఏమీ ఉండ‌దు గానీ, ఆ నవ్వుల కోస‌మే ఆయ‌న‌కు పారితోషికం కూడా ఇస్తుంటారు. కామెడీని బాగా ఎంజాయ్ చేసే నాగ‌బాబు ఈ షోకి ప్ర‌ధాన ఆక‌ర్ష‌ణ అయిపోయారు. అలాంటి నాగ‌బాబు.. ఇప్పుడు జ‌బ‌ర్‌దస్త్ షో నుంచి త‌ప్పుకున్నారు. మ‌ల్లెమాల కీ, నాగ‌బాబుకీ మ‌ధ్య కొన్ని మ‌న‌స్ప‌ర్థ‌లు వ‌చ్చిన‌ట్టు తెలుస్తోంది. ఈ షోని నిర్వ‌హించే ద‌ర్శ‌కుల‌లో కొంత‌మందిని మ‌ల్లెమాల ప‌క్క‌న పెట్టింద‌ట‌. వాళ్లేమో నాగ‌బాబుకి బాగా కావ‌ల్సిన వాళ్లు. అందుకే నాగ‌బాబు కూడా ఈ షో నుంచి త‌ప్పుకున్నారు. అందుకే ఇప్పుడొస్తున్న‌ ఎపిసోడ్ల‌లో నాగ‌బాబు క‌నిపించరు. ఆయ‌న స్థానంలో ర‌ష్మి యాంక‌ర్‌గా రోజా ప‌క్క‌న కూర్చుంటోంది. నాగ‌బాబుకు స‌ర్దిచెప్ప‌డానికి మ‌ల్లెమాల శ‌త‌విధాలా ప్ర‌య‌త్నిస్తోంది. అయితే… తొల‌గించిన‌వాళ్ల‌ని మ‌ళ్లీ టీమ్‌లోకి తీసుకుంటేనే, మ‌ళ్లీ జ‌డ్జ్‌గా వ‌స్తాన‌ని నాగ‌బాబు ష‌ర‌తు పెట్టాడ‌ట‌. ఇప్పుడు దాని గురించే మ‌ల్లెమాల త‌ర్జ‌న భ‌ర్జ‌న‌లు ప‌డుతోంది.