`మ‌న్మ‌థుడు 2` త‌ర‌వాత నాగార్జున మ‌రో సినిమా చేయ‌లేదు. కాక‌పోతే చేతిలో స్క్రిప్టులైతే ఉన్నాయి. అజ‌య్ దేవ‌గ‌ణ్ న‌టించిన `రైడ్‌`ని నాగ్ రీమేక్ చేస్తార‌ని వార్త‌లు వినిపిస్తున్నాయి. దీనిపై నాగార్జున స్పందించారు. ఆ ఆఫ‌ర్ వ‌చ్చింద‌ని, కాక‌పోతే.. స్క్రిప్టు పూర్తి చేశాక క‌ల‌వ‌మ‌న్నానని ఆయ‌న చెప్పారు. రైడ్ సినిమా నాగ్ ఇది వ‌ర‌కే చూశార్ట‌. ఆ సినిమా బాగా న‌చ్చింద‌ని, స్క్రిప్టు ప‌క్కాగా కుదిరితే చేయ‌డానికి అభ్యంత‌రం లేద‌ని క్లారిటీగా చెబుతున్నారు. రైడ్ ప్రాజెక్టుకి ఇప్ప‌టి వ‌ర‌కూ ద‌ర్శ‌కుడు ఖాయం కాలేదు. తెలుగులో స్క్రిప్టు పూర్త‌వ్వ‌డానికి స‌మ‌యం ప‌ట్టేట్టు క‌నిపిస్తోంది. అందుకే అంత‌కంటే ముందు వంశీ పైడిప‌ల్లి శిష్యుడి ద‌ర్శ‌క‌త్వంలో ఓ సినిమా తెర‌కెక్క‌బోతోంది. డిసెంబ‌రు నుంచి చిత్రీక‌ర‌ణ మొద‌ల‌వుతుంది. ఆ త‌ర‌వాతే… `రైడ్‌` రీమేక్ ప‌ట్టాలెక్కుతుంది.