స్టార్ హీరో పుట్టిన రోజు వ‌స్తోందంటే ఆ సంద‌డే వేరుగా ఉంటుంది. ఫ‌స్ట్ లుక్‌, పోస్ట‌ర్‌, టీజ‌ర్‌, ట్రైల‌ర్‌.. ఇలా ఎంతైనా హ‌డావుడి చేసేయొచ్చు. అలానే నాగార్జున పుట్టిన రోజుకు కూడా చాలా చాలా విశేషాలే చూడొచ్చ‌ని ఆశ‌ప‌డ్డారు అక్కినేని అభిమానులు. నాగ్ న‌టిస్తున్న రాజుగారి గ‌ది 2 విడుద‌ల‌కు సిద్ద‌మ‌వుతోంది. త‌న‌యుడు నాగ‌చైత‌న్య – యుద్దం శ‌ర‌ణం కూడా రెడీ అవుతోంది. మ‌రోవైపు అఖిల్ ‘హ‌లో’ అంటూ ప‌ల‌క‌రిస్తున్నాడు. చైతూ సినిమాకి సంబంధించి మొన్నే ట్రైల‌ర్ వ‌చ్చింది. కాబ‌ట్టి.. అట్నుంచి ఏం ఆశించ‌లేం. క‌నీసం ‘హ‌లో’ టీజ‌ర్ వ‌స్తుంద‌ని అనుకొన్నారంతా. కానీ జ‌ర‌గ‌లేదు. అస‌లు అఖిల్ సినిమా టైటిల్‌ని ఈరోజే ప్ర‌క‌టిద్దామ‌నుకొన్నారు. కానీ లీకేజీల స‌మ‌స్య‌తో ఆ పేరు ముందే బ‌య‌ట‌కు వ‌చ్చేసింది. క‌నీసం ‘రాజుగారి గ‌ది 2’ టీజ‌ర్ చూద్దామ‌న్నా కుద‌ర్లేదు.

ఓంకార్ ఉత్తి.. మోష‌న్ పోస్ట‌ర్‌తో స‌రిపెట్టుకొన్నాడు. అది బాగానే ఉన్నా – స‌రిపోలేద‌నిపించింది. ఇంకా ఏదో కావాల‌నుకొంటున్నారు ఫ్యాన్స్‌. ట్రైల‌ర్‌ని వ‌చ్చే నెల 20 తారీఖున చూపిస్తామ‌ని చిత్ర‌బృందం చెబుతోంది. ఈలోగా క‌నీసం టీజ‌ర్ వ‌చ్చినా బాగుణ్ణు. మ‌రోవైపు సెప్టెంబ‌రు 2న ప‌వ‌న్ కల్యాణ్ బ‌ర్త్‌డే రానుంది. త్రివిక్ర‌మ్ సినిమాకి సంబంధించిన విశేషాలేమైనా చూడొచ్చేమో అని ఆశ ప‌డుతున్నారు ప‌వ‌న్ ఫ్యాన్స్‌. కానీ అటు నుంచి అలికిడి లేదు. ప‌వ‌న్ కూడా నాగ్‌లా ఉసూరుమ‌నిపిస్తాడేమో.