కింగ్ నాగార్జున అటు సోగ్గాడే చిన్ని నాయనా సినిమా చేస్తూనే మరో పక్క కార్తితో కలిసి ఊపిరి సినిమా చేస్తున్నాడు. అయితే మొదటి నుండి సూపర్ క్రేజ్ ఏర్పడిన ఊపిరి సినిమా ఫస్ట్ లుక్ పోస్టర్ కూడా అదుర్స్ అనిపించింది. అయితే సినిమాపై క్రేజ్ ఇంకా పెంచినా ఆ పోస్టర్ తర్వాత వేరే పోస్టర్స్ ఏవీ రిలీజ్ చేయలేదు చిత్ర యూనిట్. అయితే మళ్లీ ఈరోజు సినిమాకు సంబందించిన మరో కొన్ని పోస్టర్స్ రిలీజ్ చేశారు చిత్ర యూనిట్.
వంశీ పైడిపల్లి డైరెక్ట్ చేస్తున్న ఊపిరి సినిమా పివిపి బ్యానర్లో ప్రసాద్ వి పొట్లూరి నిర్మిస్తున్నాడు. అక్కినేని అభిమానులను టెన్షన్ పెడుతున్న విషయం ఏంటంటే సినిమా మొత్తం కింగ్ నాగార్జున వీల్ చైర్లో ఉంటాడా అని. రిలీజ్ చేసిన పోస్టర్స్ అన్నిటిలో వీల్ చైర్లో నాగార్జున దాన్ని పట్టుకుని నాగ్ కు సపోర్ట్ గా కార్తి కనిపిస్తున్నారు.
సినిమా మొత్తం నాగార్జునని వీల్ చైర్లో కూర్చోబెడితే ఎలా అని అనుకుంటున్నా వీల్ చైర్లో ఉండే పోస్టర్స్ మాత్రమే రివీల్ చేసి మిగతావి సినిమాలో ఉండే విధంగా జాగ్రత్త పడుతున్నారట. సో మొత్తానికి సినిమాను జాగ్రత్తగా డీల్ చేస్తున్నాడు వంశీ. హాలీవుడ్ సినిమా ‘ఇన్ టచబుల్స్’ కి అఫిషియల్ రీమేక్ గా తీస్తున్న ఊపిరి సినిమా వచ్చే సంవత్సరం ఫిబ్రవరిలో రిలీజ్ అవ్వబోతుంది.
