‘చిల‌సౌ’తో ద‌ర్శ‌కుడిగా మారాడు రాహుల్ ర‌వీంద్ర‌న్‌. ఆ సినిమా హిట్ట‌యిన వెంట‌నే.. నాగ్‌తో సినిమా చేసే ఛాన్స్ వ‌చ్చింది. ‘మ‌న్మ‌థుడు 2’ రూపంలో. అయితే ఈ సినిమా హిట్ట‌యితే.. వెంట‌నే నాగ్‌తో మ‌రో ప్రాజెక్ట్ చేసే ఛాన్స్ కొట్టేయ‌బోతున్నాడు రాహుల్‌. నిజానికి నాగ్ పిలిచిన‌ప్పుడు రాహుల్ ఓ యాక్ష‌న్ ఎంట‌ర్‌టైన‌ర్ సినిమా చేద్దామ‌నుకున్నాడ‌ట రాహుల్‌. ఆ క‌థ‌ని నాగ్‌కి కూడా వినిపించాడు. కాక‌పోతే.. నాగ్ ఓ ఫ్రెంచ్ సినిమా చూడ‌డం, ఆ క‌థ బాగా న‌చ్చ‌డంతో రీమేక్ చేసే అవ‌కాశం రాహుల్ ర‌వీంద్ర‌న్ చేతిలో పెట్టాడు. ఒక‌వేళ `మ‌న్మ‌థుడు 2` హిట్ట‌యితే… రాహుల్ రాసుకున్న యాక్ష‌న్ సినిమాని తెర‌పైకి తీసుకొస్తాన‌ని నాగ్ కూడా మాట ఇచ్చాడ‌ట‌. అందుకే… రాహుల్ నాగ్‌తో మ‌రో సినిమా చేయ‌డానికి ఉత్సాహంగా ఎదురుచూస్తున్నాడు. మ‌న్మ‌థుడు 2 హిట్ట‌యితే రాహుల్ పై కర్చీఫ్ వేయాల‌ని కొంత‌మంది యువ హీరోలు రెడీ గా ఉన్నారు. కాక‌పోతే… ఆ ఛాన్స్ నాగ్ మ‌రొక‌రికి ఇచ్చేలా క‌నిపించ‌డం లేదు. అన్న‌పూర్ణ స్టూడియోస్‌లో ఒక్క‌సారి అడుగుపెడితే… వ‌రుస‌గా సినిమాలు చేయ‌డం రివాజుగా మారుతోంది. ఇప్పుడు ఆ ఛాన్స్ రాహుల్‌కి వ‌చ్చిందేమో. బంగార్రాజుకి బ్రేకులు ప‌డ‌డంతో.. నాగార్జున రాహుల్‌కి వెను వెంట‌నే మ‌రో ఛాన్స్ ఇచ్చినా ఆశ్చ‌ర్య‌పోన‌వ‌స‌రం లేదు.