కింగ్ నాగార్జున జోరు పెంచారు. స్పీడు స్పీడుగా సినిమాలు చేయాల‌ని నిర్ణ‌యించారు. ప్ర‌స్తుతం ఆయ‌న క‌థానాయ‌కుడిగా `నా సామి రంగ` రూపుదిద్దుకొంటున్న సంగతి తెలిసిందే. సంక్రాంతికి ఈ చిత్రాన్ని విడుద‌ల చేస్తారు. మ‌రోవైపు శేఖ‌ర్ క‌మ్ముల – ధ‌నుష్ సినిమాలోనూ ఆయ‌న ఓ కీల‌క పాత్ర పోషిస్తున్న సంగతి తెలిసిందే. ఇప్పుడు త‌మిళ ద‌ర్శ‌కుడు అనిల్ తో ఓ సినిమా చేస్తున్నారు. త‌మిళంలో.. విజ‌య్ ఆంటోనీతో అనిల్ ఓ సినిమా చేశాడు. ఇప్పుడు ఈ సినిమాతో టాలీవుడ్ లో ఎంట్రీ ఇస్తున్నాడు. జ్ఞాన‌వేల్ రాజా ఈ చిత్రానికి నిర్మాత.
ప్ర‌స్తుతం స్క్రిప్టు ప‌నులు జ‌రుగుతున్నాయి. ఈ చిత్రానికి ‘లవ్ – యాక్ష‌న్ – రొమాన్స్‌’ (ఎల్‌.ఏ.ఆర్‌) అనే టైటిల్ ప‌రిశీలిస్తున్న‌ట్టు తెలుస్తోంది. టైటిల్ కి త‌గ్గ‌ట్టుగానే ఈ క‌థ‌లో లవ్, యాక్ష‌న్‌తో పాటు రొమాన్స్‌ని ద‌ట్టించార్ట. ఈ మూడింట్లో యాక్ష‌న్‌కి పెద్ద పీట వేసిన‌ట్టు తెలుస్తోంది. ఓ స్టైలీష్ యాక్ష‌న్ ఎంట‌ర్‌టైన‌ర్‌గా ఈ సినిమాని, పాన్ ఇండియా స్థాయిలో తెరకెక్కించ‌బోతున్నార‌ని స‌మాచారం. పూర్తి వివ‌రాలు త్వ‌ర‌లో వెల్ల‌డ‌వుతాయి.
