టాలీవుడ్ మ‌న్మ‌థుడు ఎవ‌రంటే నాగార్జున పేరే చెప్పాలి. త‌ప్ప‌దు… మ‌రో ఆప్ష‌న్ వెదికినా దొర‌క‌దు. ఇంత వ‌య‌సులోనూ.. టీనేజీ మ‌న‌సుల్ని దోచుకొంటుంటాడు నాగ్‌. అందుకే నాగ్ తెర‌పై రొమాన్స్ చేసిన ప్ర‌తీ సారీ… ఆ స‌న్నివేశాలు బాగా పండుతాయి. నాగ్ త‌న లుక్‌కీ, స్టైల్‌కీ, డ్ర‌స్సింగ్ కీ చాలా ప్రాధాన్యం ఇస్తాడు. కాక‌పోతే… ఈరోజు నాగ్ లుక్ చూస్తే షాక్ అవ్వ‌క‌త‌ప్ప‌దు. ‘రాజుగారి గ‌ది 2’ ట్రైల‌ర్ లాంచ్ కార్య‌క్ర‌మం హైదరాబాద్‌లో జ‌రిగింది. ఈ కార్య‌క్ర‌మంలో నాగ్ హాజ‌ర‌య్యాడు. ఆయ‌న లుక్ కాస్త కొత్త‌గా అనిపించింది. నాగ్ మీసాలు పూర్తిగా తీసేసి… క్లీన్ షేవ్‌తో రావ‌డ‌మే అందుకు కార‌ణం. ఈ గెట‌ప్‌లో నాగ్ కాస్త వింత‌గా ఉన్నాడు. ‘నాగ్ ఏంటి?? స‌డ‌న్‌గా ఇలా మారిపోయాడు’ అనే కామెంట్లూ వినిపించాయి. అయితే ఈ లుక్ నాగ్‌కి సూట్ కాలేద‌న్న‌ది అక్క‌డి జ‌నాల మాట‌. నాగ్ అభిమానులూ అదే అంటున్నారు. నాగ్ కొత్త గెట‌ప్ కోసం ఏమైనా ట్రై చేస్తున్నాడా?? అంటూ ఆరా తీస్తున్నారు. అయితే.. నాగ్ కొత్త‌గా ఒప్పుకొన్న సినిమాలేం లేవు కాబ‌ట్టి… పాత్ర కోసం కాక‌పోవొచ్చు. ఈరోజు అక్కినేని నాగేశ్వ‌ర‌రావు జ‌యంతి. అందుకోసం నాగ్ ఇలా ద‌ర్శ‌న‌మిచ్చాడ‌నుకోవాలి.