నాగార్జున హీరోగా రామ్‌గోపాల్‌ వర్మ దర్శకత్వంలో రూపొందిన సినిమా ‘ఆఫీసర్’. మే 25న సినిమా విడుదల చేస్తున్నట్టు ముందు ప్రకటించారు. లేటెస్ట్ అప్‌డేట్‌ ఏంటంటే… సినిమా విడుదల వాయిదా పడింది. టెక్నికల్ ఇష్యూస్ వలన వాయిదా వేస్తున్నట్టు వర్మ ట్విట్టర్‌లో పేర్కొన్నారు. ప్రేక్షకులకు మంచి సినిమా అందించడం కోసమే ఈ నిర్ణయం తీసుకున్నామని తెలిపారు. జూన్ 1న ‘ఆఫీసర్’ని ప్రేక్షకుల ముందుకు తీసుకొస్తామని చెప్పారు. ముందు చెప్పిన తేదీ కంటే వారం రోజులు లేటుగా వస్తున్నారంతే. నాగార్జున సినిమా వాయిదా పడటంతో రవితేజ ‘నెల టిక్కెట్’కి సోలో రిలీజ్ దొరికింది. అదే రోజున నాగశౌర్య ‘అమ్మమ్మగారి ఇల్లు’ విడుదల వున్నప్పటికీ… అదేమీ రవితేజ సినిమాకి పోటీ కాదు. ‘ఆఫీసర్’ విడుదల వాయిదా పడుతుందని ట్రయిలర్ విడుదల రోజున వర్మ హింట్ ఇచ్చాడు. అప్పటివరకూ ప్రచార చిత్రాల్లో ‘మే 25న విడుదల’ అని చెప్పిన వర్మ… ట్రయిలర్‌లో ‘కమింగ్ సూన్’ అన్నాడు. దాంతో జనాలకు డౌట్ వచ్చింది. ఈ రోజు క్లారిటీ వచ్చింది.