నిర్మ‌లా కాన్వెంట్.. క‌థానాయ‌కుడు శ్రీ‌కాంత్ త‌న‌యుడు రోష‌న్ తొలి సినిమా కాబ‌ట్టి అంతో ఇంతో ఈ సినిమాకి క్రేజ్ ఏర్ప‌డింది. నాగార్జున ఈ చిత్రానికి స‌మ‌ర్ప‌కుడిగా వ్య‌వ‌హ‌రించ‌డం మ‌రోప్ల‌స్సు. అంతేకాదు.. ఇందులో నాగ్ ఓ పాట‌లోనూ క‌నిపిస్తాడు. పాట‌తో మాత్ర‌మే స‌రిపెట్ట‌లేదు. ఈ సినిమాలో నాగ్ ఓ కీల‌క పాత్ర పోషించాడు. ఈరోజు విడుద‌లైన నిర్మల కాన్వెంట్ ట్రైల‌ర్ చూస్తే ఆ విష‌యం అర్థ‌మైపోతుంది. ట్రైల‌ర్‌లో నాగ్.. ఈ సినిమా క‌థ‌ని చెప్పే బాధ్య‌త త‌న భుజాల‌పై వేసుకొన్నాడు. కాన్వెంట్‌లో త‌న‌ది గెస్ట్ రోల్ కాదు.. కీ రోల్ అన్న సంగ‌తి ఈ ప్ర‌చార చిత్రం చూస్తుంటే అర్థ‌మైపోతుంది. రోష‌న్ కూడా క్యూట్‌గా ఉన్నాడు. నిన్ను లేపుకుపోతా.. అంటూ ఓ డైలాగ్ కూడా ప‌లికాడు. ప‌క్కా ప్యూర్ టీనేజ్ ల‌వ్ స్టోరీలు ఈమ‌ధ్య చాలా వ‌స్తున్నాయి. అయితే అందులో సెన్సిబిలిటీస్ మాత్రం మిస్ అవుతున్నాయి. కానీ నిర్మ‌లా కాన్వెంట్‌లో మాత్రం.. ఆ కోవ‌కు చెందిన క‌థ కాద‌నిపిస్తుంది. లొకేష‌న్లు, ఆర్టిస్టులు, ఆ మూడ్ చూస్తుంటే సినిమాలో ఏదో విష‌యం ఉన్న‌ట్టే అనిపిస్తుంది. అన్నింటికంటే నాగ్ ఉండ‌నే ఉన్నాడు. ప్ర‌మోష‌న్‌ని కూడా ఆయ‌న త‌న భుజాల‌పై వేసుకొని న‌డిపించేస్తాడు. సో… నిర్మల పై హోప్స్ పెట్టుకోవ‌చ్చ‌న్న‌మాట.
ఆ కాన్వెంట్‌లో… నాగ్‌ది పెద్ద పాత్రేనండోయ్‌
