ఏఎన్నార్ జాతీయ అవార్డు పేరుతో అక్కినేని అవార్డులు ఇవ్వ‌డం మొద‌లెట్టారు. ఆ ప‌రంప‌ర‌ని త‌ద‌నంత‌రం నాగార్జున కొన‌సాగిస్తూ వ‌చ్చారు. గ‌తేడాది అమితాబ్‌బ‌చ్చ‌న్‌కి ఈ అవార్డు అందించారు. 2019 సంవ‌త్స‌రానికి గానూ అవార్డు ఎవ‌రికి ఇవ్వ‌బోతున్నార‌న్న విష‌యాన్ని రేపు ఉద‌యం స్వ‌యంగా నాగార్జునే ప్ర‌క‌టిస్తారు. అవార్డు ఎవ‌రికి వెళ్తుంద‌న్న విష‌యాన్ని నాగ్ చాలా ర‌హ‌స్యంగా ఉంచారు. అయితే ఈసారి అవార్డు తెలుగు నుంచి ఓ అగ్ర క‌థానాయ‌కుడే ద‌క్క‌బోతోంద‌ని స‌మాచారం. ఆ క‌థానాయ‌కుడితో నాగ్‌ని వ్య‌క్తిగ‌త‌, వ్యాపార సంబంధాలు ఉన్నాయి. చిత్ర‌సీమ‌లో నాగ్ అత్యంత స‌న్నిహితంగా మెలిగేది ఆ హీరోతోనే. ఆ స్నేహ బంధాన్ని అక్కినేని అవార్డుతో ఇంకాస్త ప‌రిపుష్టం చేయ‌నున్నార‌ని తెలుస్తోంది. ఏదేమైనా… అవార్డు ఎవ‌రిక‌న్న‌ది ఇంకొద్ది గంట‌ల్లో తేలిపోతుంది. అవార్డు ఎవ‌రికి ద‌క్కినా, ప్ర‌దానం మాత్రం ఈనెల 18నే అని స‌మాచారం.