వెండి తెర మన్మధుడు నాగార్జున రేపు సాయంత్రం తాను ఒక కీలక ప్రకటన చేయబోతున్నానని తెలపడం ప్రస్తుతం టాలీవుడ్ షాకింగ్ న్యూస్ గా మారింది. దీనితో నాగార్జున రేపు సాయంత్రం ఏ విషయం పై కీలక ప్రకటన చేయబోతున్నాడు అనే అంచనాలు అప్పుడే ప్రారంభం అయిపోయాయి.

కొందరు మితిమీరిన ఉత్సహంతో నాగార్జున తన పిల్లలు నాగచైతన్య అఖిల్ పెళ్ళి వ్యవహారం పై స్పందించ బోతున్నాడు అంటూ మరో ఊహాగానాలకు తెర తీసారు. అయితే ఫిలింనగర్ లోవినపడుతున్న వార్తల ప్రకారం నాగార్జున స్పందించ బోతున్నది తాను ప్రత్యేక పాత్రలో నటించిన ‘నిర్మలా కాన్వెంట్’ సినిమా గురించి అని తెలుస్తోంది. ఈమధ్య ఈసినిమాకు సంబంధించి షూటింగ్ జరుగుతున్న సమయంలో నాగార్జున ఈసినిమా సెట్ లో అసహనంగా ఈసినిమా స్క్రిప్ట్ పేపర్లను గాలిలోకి విసిరే అంత కోపం తనకు ఎందుకు వచ్చిందో ఈ కీలక ప్రకటనలో తెలియచేస్తాడని టాక్.

ఇప్పటికే ఈసినిమా టీజర్ కు మంచి స్పందన వచ్చిన నేపధ్యంలో ఈ సినిమా పై భారీ అంచనాలు పెరుగుతున్నాయి. హీరో శ్రీకాంత్ కొడుకు రోషన్ హీరోగా పరిచయం అవుతున్న ఈసినిమాను నాగార్జున స్వయంగా నిర్మిస్తూ ఉండటంతో ఈ ‘నిర్మలా కాన్వెంట్’ ను స్వయంగా నాగ్ ప్రమోట్ చేసి భారీ లాభాలను పొందడానికి రేపు సాయంత్రం మీడియా ముందుకు వస్తూ ఈ సినిమా ప్రమోషన్ ను చేయబోతున్నాడని వార్తలు వస్తున్నాయి..

తనుష్