సోగ్గాడే చిన్ని నాయిన సినిమాకి సీక్వెల్‌గా `బంగార్రాజు` రూపొందుతున్న సంగ‌తి తెలిసిందే. క‌ల్యాణ్ కృష్ణ ఈ చిత్రానికి ద‌ర్శ‌క‌త్వం వ‌హిస్తున్నాడు. ప్ర‌స్తుతం స్క్రిప్టు వ‌ర్కు జ‌రుగుతోంది. జులై నుంచి ఈ సినిమా సెట్స్‌పైకి వెళ్ల‌నుంది. నాగార్జున‌తో పాటు… నాగ‌చైత‌న్య కూడా ఈ చిత్రంలో న‌టించ‌నున్నాడు. అయితే ఇటీవ‌ల ఆ పాత్ర‌లో అఖిల్ క‌నిపిస్తాడ‌ని ప్ర‌చారం జ‌రుగుతోంది. దీనిపై నాగచైత‌న్య స్పందిచాడు. “బంగార్రాజులో నాన్న‌తో పాటు నేను న‌టిస్తున్నాను. ప్ర‌స్తుతం స్క్రిప్టు ప‌నులు జ‌రుగుతున్నాయి” అని క్లారిటీ ఇచ్చేశాడు. ఈ సినిమాలో న‌టించ‌నున్న క‌థానాయిక‌ల్ని ఇంకా ఫైన‌లైజ్ చేయ‌లేద‌ట‌. ప్ర‌స్తుతం క‌థానాయిక‌ల కోసం అన్వేష‌ణ సాగుతోంద‌ని, త్వ‌ర‌లో వాళ్ల పేర్లు ప్ర‌క‌టిస్తామ‌ని చైతూ అంటున్నాడు. మ‌న్మ‌థుడు 2 షూటింగ్‌లో నాగార్జున బిజీగా ఉన్న సంగ‌తి తెలిసిందే. జులైలోపు ఆ సినిమాని పూర్తి చేయాల‌ని నాగార్జున భావిస్తున్నాడు. ఈ చిత్రంలో స‌మంత కూడా ఓ కీల‌క పాత్ర పోషిస్తోంది.