2016 సంవత్సరం మొదటి రోజునే తన అదృష్టాన్ని పరిక్షించుకుంటున్నాడు నాగశౌర్య. తను హీరోగా నటించిన అబ్బాయితో అమ్మాయి సినిమా జనవరి 1న విడుదలవుతుంది. రమేష్ వర్మ దర్శకత్వం వహించిన ఈ సినిమా తనకు చాలా ప్రత్యేకం అంటున్నాడు ఈ కుర్ర హీరో. యూత్ ఫుల్ ఎంటర్టైనర్ గా రాబోతున్న అబ్బాయితో అమ్మాయి సినిమాలో పాలక్ లల్వాని కథానాయికగా చేస్తుంది.
ఇళయరాజా సంగీతం అందించిన ఈ సినిమా పాటలు ఇప్పటికే శ్రోతలను అలరిస్తున్నాయి. సినిమా మీద భారీ అంచనాలు ఏర్పడేలా చేసిన దర్శకుడు రమేష్ వర్మ ప్రమోషన్స్ విభాగాలు ప్రేక్షకులను బాగా ఆకట్టుకున్నాయి. అయితే ఈ సినిమా సక్సెస్ కోసం నాగ శౌర్య చాలా ఉత్సాహంగా ఎదురు చూస్తున్నాడు. ఇక వచ్చే ఏడాది కళ్యాణ వైభోగమే, ఒక మనసు, జ్యో అచ్యుతానంద, కౌటిల్య అనే సినిమాలు చేస్తున్నాడు నాగశౌర్య.
జనవరి 1న విడుదలవుతున్న అబ్బాయితో అమ్మాయి మొదలు 5 సినిమాలతో సంవత్సరం మొత్తం ప్రేక్షకులను అలరించడానికి రెడీ అవుతున్నాడు నాగశౌర్య. ఊహలు గుసగుసలాడే సినిమాతో తెరంగేట్రం చేసిన నాగ శౌర్య.. దిక్కులు చూడకు రామయ్య, లక్ష్మీ రావే మా ఇంటికి సినిమాలతో క్రేజ్ సంపాధించాడు. ఓ విధంగా చెప్పాలంటే రాజ్ తరుణ్ కి కుర్ర హీరోల్లో పోటీ వచ్చే యువ హీరో నాగశౌర్యనే అని చెప్పాలి.
