నంద‌మూరి అభిమానులు ఎప్పుడెప్పుడా అని ఎదురు చూస్తున్న మోక్షజ్ఞ ఎంట్రీ ఇచ్చేశాడు. ప్ర‌శాంత్ వ‌ర్మ ద‌ర్శకత్వంలో మోక్షజ్ఞ త‌న తొలి సినిమా చేస్తున్న సంగ‌తి తెలిసిందే. ఈరోజు మోక్షు పుట్టిన రోజు. ఈ సందర్భంగా ఫ‌స్ట్ లుక్ ని విడుద‌ల చేసింది చిత్ర‌బృందం. ఫ‌స్ట్ లుక్‌తోనే మోక్షజ్ఞ అద‌ర‌గొట్టేశాడు. కూల్ అండ్ స్టైలీష్ లుక్‌తో ఆక‌ట్టుకొన్నాడు. యువ హీరోల‌కు పోటీగా నిల‌బ‌డే క‌టౌట్ త‌న‌కు ఉంద‌ని నిరూపించుకొన్నాడు. ఈ సినిమాకు చెరుకూరి సుధాక‌ర్ నిర్మాత. అయితే బాల‌య్య కుమార్తె తేజ‌స్విని సైతం నిర్మాణ భాగ‌స్వామిగా వ్య‌వ‌హ‌రిస్తున్నారు. షూటింగ్ ఎప్ప‌టి నుంచి మొద‌ల‌వుతుంది? మిగిలిన న‌టీన‌టులు, ఇత‌ర వివ‌రాలేంటి? అనే విష‌యాలు చిత్ర‌బృందం ఇంకా ప్ర‌క‌టించ‌లేదు.
విశ్వ‌స‌నీయ వ‌ర్గాల స‌మాచారం ప్ర‌కారం… వ‌చ్చే నెల‌లో షూటింగ్ ప్రారంభ‌మ‌య్యే అవ‌కాశాలు ఉన్నాయి. ఈ సినిమాలో మైథాల‌జీ ట‌చ్ ఉండ‌బోతోంద‌ని తెలుస్తోంది. బాల‌కృష్ణ అతిథి పాత్ర‌లో మెర‌వ‌డం ఖాయం. ఆయ‌న శ్రీ‌కృష్ణుడిగా క‌నిపించ‌నున్నార‌ని టాక్. మోక్షజ్ఞ పాత్ర అభిమ‌న్యుడిని పోలి ఉంటుంద‌ట. ఓ స్టార్ హీరోయిన్‌ని క‌థానాయిక‌గా తీసుకొనే అవ‌కాశాలు ఉన్నాయి. ప్ర‌స్తుతం క‌థానాయిక విష‌యంలోనే భారీ క‌సర‌త్తు జ‌రుగుతోంది.
