నానిని హీరోగా ఎంట్రీ ఇప్పించిన దర్శకుడు ఇంద్రగంటి మోహనకృష్ణ.. అష్టా – చెమ్మ సినిమాలో నానికి చాన్స్ ఇచ్చి మంచి హీరోగా నిలబడేలా చేయగలిగాడు. అయితే ఆ సినిమా తర్వాత వీరిద్దరు కలిసి పనిచేసే అవకాశం రాలేదు. ఈ ఇయర్ బ్లాక్ బస్టర్ హిట్స్ లో తన సినిమా భలే భలే మగాడివోయ్ సినిమా ఉండేలా చేసుకుని మంచి జోశ్లో ఉన్న నాని ప్రస్తుతం అందాల రాక్షసి దర్శకుడు హను రాఘవపూడి డైరక్షన్లో ఓ సినిమా చేస్తున్నాడు. అయితే ఆ సినిమా తర్వాత ఇంద్రగంటి సినిమా ఓకే చేశాడు నాని..

అష్టా చెమ్మా తర్వాత వస్తున్న సినిమా కాబట్టి ఈ సినిమా కూడా అలానే ఉంటుందని అభిప్రాయపడతారని మోహనకృష్ణ సినిమా ఎలా ఉండబోతుందని ఓ న్యూస్ బయటకు ఎనౌన్స్ చేశారు. ఇది ఓ ఎమోషనల్ లవ్ స్టోరీ అని.. థ్రిల్లింగ్ ఎలిమెంట్స్ తో పాటు సినిమాలో కామెడీ కూడా ఉంటుందని డైరక్టర్ మోహనకృష్ణ తన సన్నిహితులతో చెప్పాడట. ఇప్పటికే ప్రి ప్రొడక్షన్ వర్క్ జరుపుకుంటున్న ఈ సినిమా త్వరలో స్టార్ట్ అవనుంది.

అంతకుముందు ఆ తర్వాత.. సినిమా తర్వాత కొద్ది గ్యాప్ తీసుకున్న మోహనకృష్ణ ఈ సినిమాతో కమర్షియల్ డైరక్టర్ గా కూడా పేరు సంపాధించాలని కోరుకుంటున్నాడు. మరి నాని గాడ్ ఫాదర్ అయిన ఇంద్రగంటి మోహనకృష్ణ దర్శకత్వంలో వచ్చే ఈ సినిమా ప్రేక్షకులకు ఎలాంటి అనుభూతిని కలిగిస్తుందో చూడాలి.