గ‌తేడాది టాలీవుడ్ చూసిన సూప‌ర్ హిట్స్‌లో.. ‘ద‌స‌రా’ ఒక‌టి. ఈ సినిమాతో శ్రీ‌కాంత్ ఓదెల దర్శ‌కుడిగా ప‌రిచ‌యం అయ్యాడు. నానిని ఓ స‌రికొత్త అవ‌తార్‌లో చూసే అవ‌కాశం ఇచ్చిన సినిమా ఇది. ఆ లుక్, ఆ మేకొవ‌ర్ ప్రేక్ష‌కుల్ని మెస్మ‌రైజ్ చేశాయి. సుధాక‌ర్ చెరుకూరికి నిర్మాత‌గా పెద్ద హిట్ ద‌క్కింది. ఇప్పుడు మ‌రోసారి ‘ద‌స‌రా’ కాంబో రిపీట్ కానుంది. ఇందుకు సంబంధించిన అధికారిక ప్ర‌క‌ట‌న వ‌చ్చేసింది. నాని – శ్రీ‌కాంత్ – సుధాక‌ర్ చెరుకూరి కాంబోలో రెండో చిత్రానికి సంబంధించిన అప్ డేట్ ఈరోజు బ‌య‌ట‌కు వ‌చ్చింది. అంతే కాదు.. ఓ ప్రీలుక్ పోస్ట‌ర్‌ని కూడా వ‌దిలారు. `ద‌స‌రా`లోలానే నాని మ‌రోసారి విభిన్న‌మైన లుక్‌లోకి మారిపోయాడు. నిజ‌మైన నాయ‌కుడికి ఐడెంటిటీ అవ‌స‌రం లేద‌న్న స్లోగ‌న్ పోస్ట‌ర్‌పై క‌నిపిస్తోంది. ఈసారి ఓ మాస్ లీడ‌ర్ క‌థ చెప్పబోతున్నార‌న్న హింట్.. ఈ ప్రీ లుక్ పోస్ట‌ర్‌తో ఇచ్చేసింది చిత్ర‌బృందం. 2025లో ఈ చిత్రం విడుద‌ల కానుంది. ప్ర‌స్తుతం నాని `స‌రిపోదా శ‌నివారం`తో బిజీగా ఉన్నాడు. అది నాని 32వ సినిమా. శ్రీ‌కాంత్ ఓదెల‌ది నాని 33వ సినిమా కానుంది. ఈ చిత్రానికి సంబంధించిన పూర్తి వివ‌రాలు త్వ‌ర‌లో వెల్ల‌డి కానున్నాయి.
అఫీషియ‌ల్‌: ‘ద‌స‌రా’ కాంబో రిపీటే!
