సినిమా భవితవ్యాన్ని తేల్చేది సగం టైటిలే అన్న విషయం మనకు తెలిసిందే.. ప్రేక్షకులకు నచ్చే టైటిల్ పెడితే ఆ టైటిల్ చూసే చాలామంది సినిమాలకు వచ్చే ప్రయత్నాలు జరుగుతుంటాయి. అయితే స్టార్ హీరోల సినిమాలు టైటిల్ ఏదైనా చూసేస్తారు కాని చిన్న హీరోల సినిమాలు టైటిల్ తోనే ఆడియెన్స్ ను ఎట్రాక్ట్ చేయాలి. ప్రస్తుతం ఫుల్ ఫాంలో ఉన్న నాచురల్ స్టార్ నాని రీసెంట్ క్రిష్ణగాడి హిట్ తో సినిమా గురించి మరిన్ని జాగ్రత్తలు తీసుకుంటున్నాడు. తనకు మొదటి సినిమా అవకాశాన్ని ఇచ్చిన ఇంద్రగంటి మోహనకృష్ణ దర్శకత్వంలో సినిమా చేస్తున్న నాని సినిమా టైటిల్ విషయంలో చాలా కేర్ తీసుకుంటున్నాడు.
మొదట్లో ఈ సినిమాకు ధమాకా అన్న టైటిల్ పెడుతున్నారని వినపడ్డా ఇప్పుడు అదికాకుండా రెండు కొత్త టైటిల్స్ పరిశీలణలో ఉన్నారట దర్శక నిర్మాతలు. అవేంటంటే ఒకటి ‘ఎవడితను’, మరోటి ‘నాని జెంటిల్మెన్’ అట.. నాని ద్విపాత్రాభినయం చేస్తున్న ఈ సినిమాలో కూడా తన పాత్ర చాలా కొత్తగా ట్రై చేస్తున్నాడట నాని. ఇక ఈ సినిమాలో సురభి, నివేధ థామస్ నానితో రొమాన్స్ చేస్తున్నారు. మరి సినిమా టైటిల్ ఏది కన్ఫాం చేస్తారో త్వరలో తెలుస్తుంది.
