నాని – వివేక్ ఆత్రేయ కాంబినేష‌న్ లో ఓ సినిమా రూపొందుతున్న సంగ‌తి తెలిసిందే. మైత్రీ మూవీస్ సంస్థ నిర్మిస్తోంది. మ‌ల‌యాళ భామ న‌జ్రియా ఫ‌హాద్ క‌థానాయిక‌. ఈ చిత్రానికి `అంటే.. సుంద‌రానికి` అనే టైటిల్ ఫిక్స్ చేశారు. ఈ టైటిల్ ఖ‌రారు చేస్తూ… ఓ చిన్న పాటి ఆడియో టీజ‌ర్ కూడా విడుద‌ల చేశారు. ఆఫీసులో గుస‌గుస‌లు, చివ‌ర్లో నాని ఎంట్రీ, `పాచిక‌లు వేయ‌మందువా..` అంటూ శ‌కుని మామ డైలాగ్‌… మొత్తంగా ఓ ఫ‌న్నీ ప్యాకేజీలా ఉంది. ఈ టీజ‌ర్ చూశాక‌.. సినిమా మ‌రింత వినోదాత్మ‌కంగా ఉండ‌బోతోంద‌న్న న‌మ్మ‌కం వ‌చ్చేసింది. అతి త్వ‌ర‌లోనే ఈ సినిమా ప‌ట్టాలెక్క‌బోతోంది. 2021లోనే విడుద‌ల చేసేస్తారు. నాని ప్ర‌స్తుతం `ట‌క్ జ‌గ‌దీష్‌`తో బిజీగా ఉన్నాడు. `శ్యామ్ సింగ‌రాయ్‌` కూడా ఓకే చేశాడు. దాంతో పాటు.. ఈ సినిమా కూడా మొద‌లైపోతుంది. వివేక్ సాగ‌ర్ ఈ చిత్రానికి సంగీతం అందిస్తున్నారు.