ఓ సినిమా రిలీజ్ అవుతుందంటే ఆ హీరో ఎంత పెద్ద స్టార్ అయినా సరే కాస్త కూస్తో టెన్షన్ పడక తప్పదు. ఇక సినిమా రిలీజ్ దగ్గర పడుతున్నా కొద్ది వారు నిద్రకు కూడా దూరమవుతారు. అయితే నాని మాత్రం ఇందుకు విరుద్ధం అనేస్తున్నాడు. తను చేసిన కృష్ణగాడి వీర ప్రేమ గాధ కచ్చితంగా ప్రేక్షకులకు నచ్చుతుందని చాలా కాన్ఫిడెంట్ తో చెబుతున్నాడు.
అంతేకాదు సినిమా రిలీజ్ దగ్గర పడుతున్నా తనకు చాలా ప్రశాంతంగా ఉందని ఎటువంటి టెన్షన్ లేదని అంటున్నాడు. తను ఎందుకు అంత నమ్మకంగా ఉన్నానో రిలీజ్ తర్వాత సినిమా చూసిన ఆడియెన్స్ చెబుతారంటున్నాడు నాని. భలే భలే మగాడివోయ్ సినిమాతో నాచురల్ స్టార్ గా అవతరించిన నాని ఆ క్రేజ్ ను ఈ సినిమాకు కూడా వాడుతున్నాడు.
14 రీల్స్ బ్యానర్ లో నిర్మించబడ్డ ఈ సినిమా నైజాం లో అభిషేక్ పిక్చర్స్ రిలీజ్ చేస్తున్నారు. సాధ్యమైనంత వరకు ఎక్కువ థియేటర్స్ లో రిలీజ్ చేసే ఆలోచనలో ఉన్నారు దర్శక నిర్మాతలు. కేవలం ఒక్క హైదరబాద్ సిటీలోనే 70 థియెటర్స్ లో నాని తన వీర ప్రేమ గాధ చూపించబోతున్నాడు. మరి తన నమ్మకం నిజమైందా కాదా అన్నది మరో రెండు రోజులు వెయిట్ చేస్తే తెలుస్తుంది. అందాల రాక్షసి ఫేం హను రాఘవపూడి డైరెక్ట్ చేసిన ఈ సినిమా 14 రీల్స్ బ్యానర్ లో నిర్మించబడింది. మెహెరిన్ కథానాయికగా నటించిన ఈ సినిమాకు విశాల్ చక్రవర్తి సంగీతం అందించాడు.
