నేచురల్ స్టార్ నాని హీరోగా వివేక్ ఆత్రేయ దర్శకత్వంలో ప్రముఖ నిర్మాణ సంస్థ మైత్రీ మూవీ మేకర్స్ నిర్మించిన రొమాంటిక్ కామెడీ ఎంటర్‌టైనర్ ‘అంటే సుందరానికీ’. జూన్ 10న విడుదలౌతుంది. ఈ సినిమా టీజర్ ట్రైలర్ లో నాని చాలా అమాయకంగా కనిపించారు. ఐతే సుందర్ పాత్రకి సంబందించిన మరిన్ని వివరాలు స్వయంగా వెల్లడించారు నాని.

సుందర్ అమాయకత్వం ఇందులో చాలా వెరైటీగా వుంటుంది. సినిమాకి ముందు.. సిగరెట్ మందు తాగొద్దని వార్నింగ్ వస్తుంది కదా.. మా సినిమాకి వచ్చేసరికి ‘సుందర్ మందు సిగరెట్ తాగడు ఈ ఒక్క విషయంలో మాత్రమే వీడిని ఫాలో అవ్వండి అని వస్తుంది. దిని బట్టి సుందర్ పాత్ర ఎలాంటిదో అర్ధం చేసుకోవచ్చు. సుందర్ ట్రైలర్, టీజర్ లో కనిపిస్తున్నంత అమాయకుడు కాదు. దర్శకుడు వివేక్ అదే పాయింట్ ముందు చెప్పి ”సుందర్ చాలా వరస్ట్ ఫెలో సర్. కానీ ప్రతి ఫ్రేములో వీడిని ప్రేమించాలి” ఇదే సుందర్ లో వుండే మ్యాజిక్. సుందర్ ఇన్నోసెంట్ కన్నింగ్ ఫెలో’ అని చెప్పుకొచ్చారు నాని.