ఒకవైపు హీరోగా చేస్తూనే మరోవైపు నిర్మాణంపై కూడా ద్రుష్టిపెట్టారు నాని. ఇప్పటికే తన వాల్ పోస్టర్ సినిమా బ్యానర్ పై కొన్ని సినిమాలు వచ్చాయి. ఇంకొన్ని ప్రీప్రొడక్షన్ లో వున్నాయి. ఇప్పుడు స్వయంగా నాని ఓ సినిమాని అనౌన్స్ చేశారు. ప్రియదర్శి హీరోగా ఓ సినిమాని నిర్మించబోతున్నారు నాని. ఈ సినిమాకి జగదీశ్ అనే కొత్త డైరెక్టర్ దర్శకత్వం వహిస్తాడు. ఈ కథని, దర్శకుడిని నాని దగ్గరకి తీసుకెళ్ళింది దర్శినే.
‘డార్లింగ్’ సినిమా ప్రీరిలీజ్ ఈవెంట్ కి చీఫ్ గెస్ట్ గా వెళ్లారు నాని. ఈ వేదికలో తన నిర్మాణంలో ఈ కొత్త సినిమాని అనౌన్స్ చేశారు. ”దర్శి అద్భుతమైన ప్రతిభగల నటుడు. దర్శి హీరోగా ఓ సినిమా నిర్మించబోతున్నా. ఈ సినిమాకి జగదీశ్ దర్శకత్వం వహిస్తారు. తనని నా వద్దకు తీసుకొచ్చింది దర్శినే. జగదీశ్ కథ చెప్పిన తర్వాత మా బ్యానర్ నుంచి మరో మంచి దర్శకుడుని లాంచ్ చేస్తున్న ఫీలింగ్ వచ్చింది. జానర్, మిగతా వివరాలు త్వరలో చెప్తాను.” అని వెల్లడించారు నాని.
