13బి, ఇష్క్‌, మనం, 24… ఈ సినిమా పేర్లు చెబితే చాలు…. విక్ర‌మ్ కె.కుమార్ ప‌నిత‌నం గుర్తొస్తుంది. హ‌లో ఫ్లాప్ అయినా… అందులో విక్ర‌మ్ కొన్ని ఎమోష‌న్స్ ని బాగా చెప్ప‌గ‌లిగాడు. మ‌రీ తీసిపారేయాల్సిన సినిమాఅయితే కాదు. అలాంటి ద‌ర్శ‌కుడితో ప‌నిచేయాల‌ని ప్ర‌తీ క‌థానాయ‌కుడికీ ఉంటుంది. ఆ అవ‌కాశం నానికి ద‌క్కింది. విక్ర‌మ్ కె.కుమార్ – నాని కాంబినేష‌న్‌లో త్వ‌ర‌లోనే ఓ సినిమా మొద‌లు కాబోతోంది. ప్ర‌స్తుతం స్క్రిప్టు ప‌నులు జ‌రుగుతున్నాయి. ఇటీవ‌ల నాని – విక్ర‌మ్ మ‌ధ్య క‌థా చ‌ర్చ‌లు కూడా జ‌రిగాయి. విక్ర‌మ్‌తో ప‌నిచేయాల‌ని నాని ఉత్సాహం చూపిస్తున్నాడు. తాను రాసుకున్న క‌థ‌కి నాని అయితేనే బాగుంటాడ‌న్న‌ది విక్ర‌మ్ అభిప్రాయం. ”ప్ర‌స్తుతం ఈ ప్రాజెక్ట్ పైప్ లైన్ లో ఉంది. వ‌ర్క‌వుట్ కావ‌డానికి కొంత టైమ్ ప‌డుతుంది. విక్ర‌మ్ ఎప్పుడూ క‌థ‌ల విష‌యంలో ప‌క్కాగా ఉంటారు. అన్నీ కుదిరాకే.. సెట్స్‌పైకి వెళ్తాం..” అంటున్నాడు నాని. సో… టాలీవుడ్‌లో మ‌రో కొత్త‌, క్రేజీ కాంబినేష‌న్‌కి ప‌చ్చ జెండా ప‌డిపోయిన‌ట్టే.