బాహుబ‌లి అంటే రాజ‌మౌళి… రాజ‌మౌళి అంటే బాహుబ‌లి. ఈ విష‌యంలో తిరుగే లేదు. బాహుబ‌లి స‌క్సెస్‌కి నూటికి నూరుపాళ్లూ రాజ‌మౌళినే కార‌ణం. జ‌క్క‌న్న ప్ర‌తిభ‌, సామ‌ర్థ్యం బాహుబ‌లితో తెలుగు సినిమా ఘ‌న‌త‌ను విశ్వ‌వ్యాప్తం చేశాయి. అలాంటి బాహుబ‌లికి ద‌ర్శ‌కుడు మారిపోయాడు… రాజ‌మౌళి స్థానంలో కొత్త ద‌ర్శ‌కుడు వ‌చ్చి చేరాడు. అదీ.. ఒక్క షాట్‌కి మాత్ర‌మే లెండి. ఇంత‌కీ రాజ‌మౌళి స్థానంలో వ‌చ్చిన ఆ ద‌ర్శ‌కుడు ఎవ‌రో తెలుసా?? క‌థానాయ‌కుడు నాని.

నానికీ రాజ‌మౌళి టీమ్‌కి మంచి అనుబంధం ఉంది. ఈగ‌తో వాళ్ల రిలేష‌న్ పెరిగింది. అప్ప‌టి నుంచి నానిని త‌మ ఇంటి స‌భ్యుడిగా భావిస్తుంటారు వాళ్లు. ప్ర‌స్తుతం బాహుబ‌లి 2 షూటింగ్ రామోజీ ఫిల్మ్‌సిటీలో జ‌రుగుతోంది. ఈ సంద‌ర్భంగా నాని స‌ర‌దాగా ఫిల్మ్‌సిటీకి వెళ్లాడు. ఆ స‌మ‌యంలోనే బాహుబ‌లి 2లో ఓ షాట్‌కి ద‌ర్శ‌కత్వం వ‌హించే అవ‌కాశం వ‌చ్చింది నానికి. ‘లైట్స్ కెమెరా యాక్ష‌న్‌’ అంటూ నాని కూడా మైకు ప‌ట్టుకొని కాసేపు హ‌డావుడి చేశాడు. బేసిగ్గా అసిస్టెంట్ డైరెక్ట‌ర్‌గా పనిచేసిన నాని… ఇలా డైరెక్ష‌న్ కోరిక తీర్చుకొన్నాడ‌న్న‌మాట‌. అదీ బాహుబ‌లితో. సూప‌ర్ క‌దూ.