నానీస్ గ్యాంగ్ లీడర్ ఫుల్ స్వింగ్ లో నడుస్తోంది. ఈ సినిమా కథ ఇప్పటికే చూచాయిగా బయటకు వచ్చింది. నాని, నలుగురు మహిళలు, ఓ విలన్ వుంటారని, నాని రచయితగా నటిస్తున్నారని, ఆ మహిళల తరుపున వారికి న్యాయం చేయడానికి రంగంలోకి దిగుతాడని వినిపిస్తోంది.

అయితే అసలు విషయం ఏమిటంటే, ఈ సినిమా కథ సూపర్ స్టార్ మహేష్ బాబు కోసం తయారుచేసినదేనట. అప్పట్లో అశ్వనీదత్-విక్రమ్ కే కుమార్ కాంబినేషన్ లో మహేష్ తో ఓ సినిమా చేయడానికి స్క్రిప్ట్ వర్క్ చేసారు. చాలా సంప్రదింపుల తరువాత స్క్రిప్ట పూర్తయింది. అందులో విలన్ పాత్రను చాలా హై రేంజ్ లో తయారుచేసారట.

కానీ ఎందుకో మహేష్ ఆ సినిమా చేయలేదు. ఇప్పుడు అచ్చంగా ఆ కథనే, అలాగే నానితో చేస్తున్నాడట విక్రమ్ కే కుమార్. అందుకోసమే అశ్వనీదత్ కు భారీగా కాంపన్ సేషన్ కూడా ఇచ్చారని టాక్. అప్పట్లో విలన్ పాత్రను హైరేంజ్ లో తయారు చేయడంతో, ఇప్పుడు ఆ పాత్రను ఆర్ ఎక్స్ 100 ఫేమ్ కార్తికేయకు ఇచ్చారు.

సినిమా ప్రారంభంలోనే నలుగురు మహిళల మర్డర్ ఎపిసోడ్ వుంటుందని తెలుస్తోంది. ఆ పైన దాని చుట్టూనే కథ తిరుగుతుందని టాక్ వినిపిస్తోంది.