తెలుగు సినీ పరిశ్రమలో మిడిల్ లెవెల్ హీరోలలో వరుస హిట్స్ తో దూసుకుపోతున్న అతికొద్ది మంది హీరోలలో నాని కూడా ఒకరు. ‘భలే భలే మగాడివోయ్’ హిట్ తరువాత ‘క్రిష్ణగాడి వీర ప్రేమగాధ’ తో మరో హిట్ అందుకొన్నారు. ప్రస్తుతం ఇంద్రగంటి మోహన కృష్ణ దర్శకత్వంలో ఒక సినిమా చేస్తున్నారు. దానికి ‘దమాకా’ అని పేరు నిర్ణయించినట్లు నిర్మాత శివలెంక కృష్ణ ప్రసాద్ ఇదివరకు మీడియాకు తెలిపారు. కానీ కొన్ని రోజుల క్రితం మీడియాతో నాని మాట్లాడుతూ ఆ సినిమాకు వేరే పేరు పెట్టాలనుకొంటున్నట్లు చెప్పారు. త్వరలోనే ఆ సినిమా పేరు ప్రకటిస్తామని నాని చెప్పారు. ప్రస్తుతం కొడైకెనాల్ లో ఆ సినిమా షూటింగ్ జరుగుతోంది. త్వరలోనే అక్కడ షూటింగ్ ముగించుకొని హైదరాబాద్ తిరిగి వచ్చేస్తారు. ఈ సినిమా తరువాత నాని దిల్ రాజు నిర్మించబోయే సినిమాలో నటిస్తారు. ఆ సినిమాకి త్రినాధ్ రావు దర్శకత్వం చేస్తారు. ఆయన ఇంతకు ముందు రాజ్ తరుణ్, అవికా గోర్ జంటగా నటించిన ‘సినిమా చూపిస్తా మావా’ కి దర్శకత్వం వహించారు.