యంగ్ టైగర్ ఎన్టీఆర్ క్రియేటివ్ దర్శకుడు సుకుమార్ కలయికలో వస్తున్న సినిమా నాన్నకు ప్రేమతో. సినిమా మొదలైన నాటి నుండి భారీ అంచనాలతో వస్తున్న ఈ సినిమా ఈ నెల 13న ప్రపంచ వ్యాప్తంగా భారీగా విడుదల అవుతుంది. అయితే సినిమాలో హైలెట్ అయ్యే అంశాలు ఇవే అంటూ ఫిల్మ్ నగర్లో ఓ న్యూస్ చక్కర్లు కొడుతుంది.

సినిమా లుక్ తో ఎన్టీఆర్ ను ప్రేక్షకులను కొత్తగా పరిచయం చేయడమే కాకుండా ఇందులో ఎన్టీఆర్ డైలాగ్ డెలివెరీ మీద కూడా ఎక్కువ జాగ్రత్త పడ్డాడట దర్శకుడు సుకుమార్. తండ్రి రాజేంద్ర ప్రసాద్ కు, హీరోకి వచ్చే సన్నివేశాలు కూడా అద్భుతంగా ఉంటాయట. ఇక సినిమాలో రెండు చోట్ల హాస్పిటల్ సన్నివేశాలు కూడా ప్రేక్షకులను కట్టిపడేసేలా ఉంటాయని చెబుతున్నారు.

ఇప్పటికే ట్రైలర్ తో సంచలనం సృష్టిస్తున్న ఎన్.టి.ఆర్ సినిమాలో తన విశ్వరూపాన్ని చూపించాడని టాక్. సినిమాలో రకుల్ అందాలు కూడా హైలెట్ అవనున్నాయట. ఎన్నో అంచనాలతో మరో 5 రోజుల్లో విడుదల కాబోతున్న ఈ సినిమా ఎలాంటి రికార్డులను క్రియేట్ చేస్తుందో చూడాలి.